MSI Bravo 17 A4DDR with Radeon RX 5500M

ပြီးခဲ့နှစ်တွေမှာ Gaming Laptop ဆိုရင် Intel နဲ့ Nvidia GeForce GPU တွေကိုသာမြင်ရလေ့ရှိပေမဲ့ နောက်ပိုင်း AMDရဲ့ စွမ်းဆောင်ရည်ကောင်းမွန်တဲ့ Ryzen CPU တွေနဲ့ Navi GPU ထွက်လာတဲ့အခါမှာတော့ ကွန်ပျူတာထုတ်လုပ်တဲ့ကုမ္မဏီတွေဟာ သူတို့ရဲ့ Gaming Laptop တွေကို AMD Line Up တွေနဲ့ပါပွဲထုတ်လာကြတာတွေ့ရပါတယ်။ ကုမ္မဏီတွေအများစုက AMD Processors တွေသုံးထားတဲ့Laptop တွေကို သူတို့မှာနဂိုရှိပြီးလား Line Up တွေထဲမှာ Model သာခွဲထည့်ပြီး ထုတ်လုပ်ကျပေမဲ့ MSI ကတော့ AMD Processor နဲ့ Graphics တွေသုံးထားတဲ့ Gaming Laptop တွေကို ၂၀၁၉မှာ Alpha ဆိုတဲ့ Lineup အသစ်နဲ့စတင်ပွဲထုတ်ပါတယ်။ ဒီနှစ် ၂၀၂၀မှာတော့ Alpha Series တွေထက်ပိုဈေးသက်သာတဲ့ Bravo Series ကိုပွဲထုတ်လာပါတယ်။ တစ်ခုထူးခြားတာက MSI ဟာ Alpha Seriesနဲ့ Bravo Series မှာ Gaming Series မှာ မူလသုံးနေကြ Dragon တံဆိပ်ကိုမသုံးပဲ အမေရိကန်တိုင်းရင်းသားတွေရဲ့ ဒဏ္ဏာရီထဲက Thunderbird ကို logo အနေနဲ့သုံးထားတာပါ။ အတောင်ပံတွေဖြန့်ထားတဲ့ Thunderbird logo ရဲ့ အဓိပ္ပာယ်ကတော့ ခွန်အား၊ တီထွင်ဆန်းသစ်မှုနဲ့ သာယာဝပြောခြင်းကိုဆိုလိုပါတယ်။

Introduction

အခုကျနော် review လုပ်ပေးသွားမှာက MSI ရဲ့ Bravo Series Gaming Laptop တွေထဲက Screen အရွယ်အစား 17.3 လက်မကိုသုံးထားတဲ့ Bravo 17 ပဲဖြစ်ပါတယ် Model ကဝောာ့ Bravo 17 A4DDRပဲဖြစ်ပါတယ်။ Bravo 17 အကြောင်းစပြောရမယ်ဆိုရင် Bravo Series မှာတော့ Lineup တစ်ခုလုံးကို AMD Ryzen 7 4000 H Series CPU တွေနဲ့ RX 5500M GPU တွေတပ်ဆင်ထားပါတယ်။ ဒီ CPU တွေနဲ့ GPU တွေဟာ TSMC 7nm FinFET process နဲ့ထုတ်လုပ်ထားတာဖြစ်လို့ MSI က Bravo Series တွေကို 7nm Technology Gaming Laptop လို့ခေါ်ပါတယ်။

Specifications

သူ့မှာသုံးထားတဲ့ AMD Ryzen 7 4800H ဟာ 8 Cores 16 Threads CPU ဖြစ်ပြီး Desktop Ryzen 3000 series တွေလို TSMC 7nm FinFet နဲ့ထုတ်ထားတာမို့ စွမ်းဆောင်ရည်ကတော့ လုံးဝအားရစရာပါပဲ။ Ryzen 7 4800H ဟာ Base Clock 2.9 GHz နဲ့ Boost Clock 4.2GHz အထိရှိပါတယ်။ Rendering လုပ်နေချိန်မှာတော့ Core အားလုံးဟာ 3.9 GHz အထိတက်လာတာတွေ့ရပြီး Single Core စွမ်းဆောင်ရည်တွေအလေးပေးတဲ့ Game ကစားတဲ့အခါ 4.1~4.2GHz မှာသာအမြဲရှိနေဝာာကိုတွေ့ရပါတယ် ဒါက သာမန် 15.6လက်မ Gaming Laptop တွေထက်ပိုကြီးတဲ့ ကိုယ်ထည်ကြောင့် အပူကိုများများပိုထိန်းထားနိုင်တာလို့ပဲမြင်ပါတယ်။ မူလ TDP 45W ရှိတဲ့ ဒီCPU ကို manufacturer ‌တွေအနေနဲ့ 35~54W အထိချိန်ညှိလို့ရလို့သိရပါတယ်။ ကျနော်စမ်းသပ်ကြည့်ရာမှာတော့ Rendering မှာ CPU Load 100%နဲ့ဆိုရင် CPU ဟာ 70W အထိသုံးနေတာကိုတွေ့ရပါတယ်။ APU ဖြစ်တဲ့ Ryzen 7 4800H မှာ igp လည်းပါဝင်ပြီး ဘက်ထရီချွေတာဖို့လိုတဲ့အခါဖွင့်သုံးနိုင်ပါတယ်။

Graphics ပိုင်းအတွက် Bravo 17 A4DDR မှာတပ်ဆင်ထားတာက AMD Radeon RX 5500M GPU ပါ။ RX 5500M ဟာ 7nm RDNA Architecture နဲ့ ထုတ်ထားတဲ့ Navi GPU ပါ။ RDNAဟာ စွမ်းဆောင်ရည်ကောင်းသလို ယခင် architecture တွေလောက် ပါဝါလည်းသိပ်မစားတော့တာမို့ Gaming Laptop တွေထဲမှာအဆင်ပြေပြေထည့်သုံးလို့ရလာပါတယ်။ RX 5500M ရဲ့ အကြမ်းဖြင်းစွမ်းဆောင်ရည်က Mobile မှာဆို Nvidia ရဲ့ GTX 1650 နဲ့ GTX 1660Ti ကြားမှာရှိပါတယ်။ VRAM ကတော့ 4G GDDR6 ပဲရှိလို့ 1080P Gaming အတွက်သာသင့်တော်ပါတယ်။

Memory ပိုင်းအနေနဲ့ ဒီဘက်ခေတ်မှာ ပုံမှန်ဂိမ်းကစားဖို့က ဂိမ်းတွေက 8GB နဲ့အထက်လိုအပ်‌ပြီး 16GB ဆိုတာစံနှုန်းတစ်ခုလို‌ဖြစ်နေပါပြီ။ Bravo 17 မှာ 3200MHz ရှိတဲ့ 8GB DDR4 Memory ၂ချောင်းတပါတည်းပါဝင်ပါတယ်။ 16 GB ဆိုတာ သင်ဂိမ်းကစားဖို့ Upgrade လုပ်ရသာသက်သာစေသလို 3200MHz ဆိုတာကလဲ သူနဲ့တွဲဖက်မဲ့ Ryzen CPU တွေနဲ့ပိုမိုကိုက်ညီမှုရှိနေစေပါတယ်။

Bravo 17 8DDR ရဲ့ Specifications တွေကတော့
CPU: AMD Ryzen 7-4800H (8Cores/16Threads)
Memory: 16GB DDR4 3200 MHz
Graphics: AMD Radeon RX 5500M 4GB GDDR6
Storage: 512TB NVMe PCIe SSD
1x 2.5" SATA HDD Slot Available
Display: 17.3in 144Hz Full HD IPS Level Screen with FreeSync Premium
Dimensions (WxDxH): 397 x 260 x 23 mm
Weight: 2.2kg
I/O Ports: 1x USB Type-C 3.2 Gen 1 ,
3x USB Type-A 3.2 Gen 1
1x HDMI Port
1x RJ45
Connectivity: Wi-Fi 6, Bluetooth 5.1
Webcam: 720P
Speakers: 2x 2W
Audio Jack: 1x 3.5mm Mic-in
3.5mm Headphone-out (HiFi)
Operating System: Windows 10 Home 64 bit
Battery: 51WH (3 Cell Li-Po)
Power Adaptor: 180W
Price: $1150

Design and Build Quality

Design အနေနဲ့ပြောရရင် ဈေးသက်သာတဲ့ Bravo Series တွေဟာ Alpha Series တွေလောက်ဆွဲဆောင်မှုမှာအားနည်းသလိုရှိပါတယ် ဒါပေမဲ့ ဒီလို‌ စျေးတန်းနဲ့ Gaming Laptop တွေထဲမှာ ကျေနပ်လောက်စရာ အရည်အသွေးနဲ့တည်ဆောက်ပုံတွေကိုပိုင်ဆိုင်ထားပါတယ်။ သူ့ရဲ့ပုံစံက ကျနော့်အမြင် Dragon Logo နေရာမှာ Thunderbird Logo ပြောင်းထားတာကလွဲရင် ကျန်‌တဲ့နေရာမှာ MSI GF75 နဲ့ တူတူပဲလို့မြင်ပါတယ်။

ကိုယ်ထည်‌ ကအနက်ရောင်ဖြစ်ပြီး နေရာတစ်ခုလုံးနီးပါးဟာ brush aluminum နဲ့ တည်ဆောက်ထားပါတယ်။ ဒါပေမဲ့ အားနည်းချက်က ကိုယ်ထည်ဟာလက်ရာတော့အတော်ထင်ပါတယ်။ Lid မှာ ပြောင်လက်နေတဲ့ Thunderbird တံဆိပ်ကလွဲလို့ ကိုယ်ထည်မှာဘာtexture မှမရှိပဲ ရိုးရိုးရှင်းရှင်းပါပဲ။ screen ရဲ့ဘောင်လေးတွေက ၂၀၂၀ ခုနှစ်ထုတ် laptop တွေထုံးစံအတိုင်းပါးပါးလေးတွေဖြစ်သွားပါတယ်။ lid တွေ keyboard တွေကိုဖိကြည့်တဲ့အခါ ညွှတ်သွားတာကိုမတွေ့ရပဲ အတော်လေးတောင့်တင်းတာကိုတွေ့ရတာအားရစရာပါ။ တစ်ခုရှိတာက ကိုယ်ထည်မှာအားလုံးနီးပါး aluminum သုံးထားပေမဲ့ အနားသတ်လေးတွေကတော့ ပလက်စတစ်ကိုသုံးထားတာတွေ့ရတာပါတယ်။

သူ့screen ဘောင်လေးတွေက 2020ခုနှစ်မှာ အတွေ့များလာတဲ့ ခပ်ပါးပါးစတိုင်လေးမို့ အတော်လေးမိုက်တယ်ခံစားရပါတယ်။ Bravo 17 က ယခင် Alpha ထက်ပိုပါးပေမဲ့ lid က 5mm လောက်ထူပြီးအတော်ကြီးကိုတောင့်ပါတယ်။ ဘာလို့လဲဆို‌တော့ Lid အနေနဲ့ Screen ကိုအနောက်ဘက် 110°လောက်လှန်ချလိုက်တဲ့အခါ lid ရဲ့အောက်ခြေက Laptop ကိုAirflow ပိုကောင်းလာအောင် ထောက်တင်ထားတဲ့ပုံစံကိုအသုံးပြုထားတာမို့လည်းဖြစ်ပါတယ် ဒီfeatureလေးက ကျေနပ်စရာပါ။ ဘေးဘောင်လေးသာပါးပါးလေးဆိုပေမဲ့ Webcam ကိုရအောင်ထည့်ထားပါသေးတယ်။ ဒါပေမဲ့ ဈေးသက်သာဖို့အသား‌ပေးထားတဲ့ ဒီLaptop မှာ Windows Hello အတွက် Webcam နဲ့တွဲဖက်အလုပ်လုပ်မဲ့ IR Camera တော့မပါပါဘူး။

Cooling အတွက် Air Intake အပေါက်လေးတွေက laptop ကိုယ်ထည်အောက်မှာသာရှိပါတယ်။ Exhaust ကတော့ ကီးဘုတ်ရဲ့‌အပေါ်ဘက်ကရော ဘေးဘယ်ညာနှစ်ဖက်စလုံးမှာရှိတာတွေ့ရပါတယ်။ ကိုယ်ထည်က အလျား 397mm၊ အနံ 260mm နဲ့ အမြင့် 23mmရှိပါတယ်။ Screen ဘေးဘောင်တွေပါးတဲ့အတွက် 17.3လက်မ Gaming Laptop ဟာထင်ထားတာထက်ပိုငယ်နေသလိုပါပဲ။ နောက်ထပ်ကောင်းမွန်တဲ့အချက်က Bravo 17ရဲ့ အလေးချိန်ကလည်း 2.2kg သာရှိပြီး 17လက်မ Gaming အနေနဲ့ အတော်ကြီးကိုပေါ့ပါးတယ်ဆိုနိုင်သလိုအရင်ထွက်ထားတဲ့ Alpha 17 ထက်သိသိသာသာကိုပိုမိုပေါ့ပါးပါတယ်။ အပြင်ခဏခဏယူသွားတက်တဲ့သူအဖို့ ဒါဟာအတော်ကောင်းတဲ့အချက်ပါပဲ။

Display

Display အနေနဲ့ပြောရရင် Bravo 17 A4DDR မှာ AU Optronics ရဲ့ (B173HAN04.9)Panel ကိုသုံးထားပါတယ်။ ကျနော်အနေနဲ့ ဒီ display မှာ ကြိုက်တဲ့အချက်တွေ မကြိုက်တဲ့အချက်တွေ ရောပြွန်းနေပါတယ်။ Bravo 17 ရဲ့ 17.3လက်မ Full HD Display ဟာ Laptop အနေနဲ့အရွယ်ကြီးတဲ့အထဲပါတာမို့ သူ့ထက်Screen သေးတဲ့ Laptop တွေထက်ဂိမ်းကစားရတာ အရမ်းsmooth ဖြစ်ပြီးအားရစရာအတော်ကောင်းပါတယ်။ ဒါ့ဟာသူ့ရဲ့ Refresh Rate 144Hz ကြောင့်အပြင် အရမ်းမိုက်တဲ့ Features ဖြစ်တဲ့ FreeSync Premium ကြောင့် ဂိမ်းတွေကို Tearing တွေ Stuttering တွေမဖြစ်ပဲကောင်းကောင်းကစားစေနိုင်တာကိုတော့ ဒီလိုဈေးတန်းLaptop တစ်ခုအနေနဲ့ကျ‌ နော်သိပ်သဘောကျပါတယ်။ AMD FreeSync Premiumဆိုတာက GPU က ထွက်တဲ့ FPS အတိုင်း Screen ကပြပေးနိုင်တဲ့ Variable Refresh Rate (VRR) နည်းပညာတစ်ခုဖြစ်ပါတယ်။ AMD FreeSync Premium မှာ Display ဟာ FHD resolution မှာ Refresh Rate အနည်းဆုံး 120Hzဖြစ်ဖို့လိုသလို 100fps ကနေ 45 fps Frame Rate ကျသွားတဲ့အချိန်မှာ Frame တွေကို၂ဆတိုးပြပြီး Tearing မဖြစ်အောင်ထိန်းပေးတဲ့features တွေပါပါတယ်။

Nvidia GPU တွေတပ်ထားတဲ့ Laptop တွေမှာလည်း G-Sync နည်းပညာပါဝင်ခဲ့ရင် ဒီလိုfeeling ကိုခံစားနိုင်မှာပါ။ သို့ပေမဲ့ ဒီလို $1000 ဝန်းကျင် Nvidia GPU သုံးLaptop တွေမှာ G-Sync ပါလာစေချင်ရင်တော့ ထိုင်ပြီးဆုတောင်းလို့ပဲရပါလိမ့်မယ်။ ပြောစရာရှိတာက Screen က 144Hz FreeSync ကြောင့် smooth ဖြစ်တယ်ဆိုပေမဲ့ Pixel တစ်ခုနဲ့တစ်ခုကြားအလျှင်အမြန်ပြောင်းမပြနိုင်တဲ့အတွက် ghosting လေးတွေဝင်နေတာကိုတွေ့ရပါတယ် ဆိုလိုတာကsmooth ဖြစ်နေသည့်တိုင် အရမ်းမြန်တဲ့ပုံရိပ်တွေပြသတဲ့အခါအနည်းငယ်ဝါးနေတာကိုတွေ့ရပါတယ်။

နောက်တစ်ခုက Screen ဟာ IPS Level လို့ဆိုပေမဲ့ Viewing Angle သိပ်မကောင်းပါဘူး ဒါက အပေါ်ကရခဲ့တဲ့ Features တွေနဲ့ သူ့ရဲ့ဈေးကြောင့်အပြစ်မြင်စရာမရှိပါဘူး။ သို့ပင်သော်ငြား Color ပိုင်းအနေနဲ့
sRGB 50.96%
AdobeRGB 44.16%
DCI-P3 41.03% သာရှိတဲ့အတွက် Color Gamut တွေက သာမန်Screen လောက်သာရှိတာမို့ Photo and Video Editing တွေရွေးချယ်သင့်တဲ့ Laptop တစ်ခု‌လို့တော့မမြင်ပဲ ဂိမ်းကစားဖို့သာရည်ရွယ်သင့်ပါတယ်။ ကာလာပိုင်းကိုစိတ်တိုင်းမကျပေမဲ့ YouTube နဲ့ Netflix ကရုပ်ရှင်တွေ Video တွေကိုတော့ သူ့ရဲ့ကျယ်ပြောတဲ့ Screen မှာကောင်းကောင်းအရသာခံနိုင်ပါတယ်။ သို့ပေမဲ့ ပြင်းပြတဲ့နေအ‌လင်းရောင်အောက်မှာဆိုရင်တော့ 250nits ဝန်းကျင်သာရှိတဲ့ display ဟာ သိပ်အဆင်မပြေပါဘူး။

Keyboard and Trackpad

ပုံမှန်အားဖြင့် MSI ရဲ့ Gaming Laptop တွေမှာ Steelseries ရဲ့ Keyboard တွေကိုအသုံးပြုထား လေ့ရှိပေမဲ့ Bravo 17 မှာတော့ Steelseries ကိုမသုံးထားပါဘူး။ Keyboard ဟာ ပုံမှန်Laptop တွေလို Screen နဲ့ နီးကပ်မနေပဲ ကိုယ်ထည်ရဲ့ အလယ်ဘက်မှာသာထားရှိတာကိုတွေ့ရပါတယ်။ ကောင်းတဲ့အချက်က Keyboard ဟာကိုယ်ထည် အလယ်လောက်ရောက်သွားတဲ့အတွက် Heat Pipe တွေရဲ့ အပူကနေကင်းဝေးသွားပြီမို့ Keyboard ပေါ်လက်တင်ပြီးဂိမ်းအကြာကြီးဆော့တာတောင် လက်ဖဝါးမှာချွေးစေးပြန်တာတွေမရှိတော့ပါဘူး။ ဒီအချက်ဟာဂိမ်းဆော့တဲ့အချိန်မှာအတော်လေးအဆင်ပြေစေမဲ့အရာပါ။

Keyboard မှာ Key တွေရဲ့စာသားအားလုံးဟာ အနီရောင်တွေဖြစ်ပြီး အောက်ခြေဘေးပတ်လည်ကို အနီရောင်အနားသတ်ထားပါတယ်။ ဈေးသက်သာတဲ့ဘက်ကိုဦးတည်ထားတဲ့အတွက် Keyboard မှာ RGB Lightတွေမပါပဲ မီးရောင်ကအနီသာပါဝင်တာကိုတွေ့ရပါတယ်။ Key တွေကိုနေရာချထားတဲ့နေရာမှာ ဘယ်ဘက်ခြမ်းမှာ Windows Key နေရာကို FN key နဲ့အစားထိုးထားတာကိုတွေ့ရပါတယ်။ အကယ်၍ကိုယ်က Windows Keyကို မူလနေရာမှာပြန်ထားလိုတယ်ဆိုရင်တော့ Dragon Center သို့ BIOS ကနေပြောင်းလဲနိုင်ပါတယ်။

Steelseries Keyboard ကိုမသုံးထားပေမဲ့ Bravo 17မှာ စာရိုက်ရတဲ့ဖီလင်ကတော့ အတော်ကြီးကိုကောင်းမွန်သလို Key တစ်ခုနဲ့တစ်ခုအကြားအကွာအဝေးကလဲကောင်းမွန်ပြီး စာလုံးတွေမှားရိုက်မိတာမျိုးလဲမရှိပါဘူး။ Key တစ်ခုခြင်းရဲ့တုံ့ပြန်မှုတွေကလဲကောင်းမွန်ပြီးနှိပ်ကြည့်ရာမှာဆူညံနေတာမျိုးမရှိပါဘူး။ အရွယ်ကြီးတဲ့ Laptop မို့ ညာဘက်ခြမ်းမှာ Numpad အပြည့်အစုံပါဝင်တဲ့အတွက် စာရင်းဇယားတွေကိုင်တွယ်ရမဲ့သူတွေအတွက်ကျေနပ်စရာဖြစ်ပါတယ်။

Bravo 17 ရဲ့ Trackpad ဟာ အရွယ်အစားအားဖြင့် အနည်းငယ်သေးတယ်လို့ဆိုနိုင်ပြီး Alpha 17 လိုသီးခြား key တွေမပါပါဘူး။ Windows Precision Driver နဲ့ Trackpad ကိုအစဉ်ပြေပြေသုံးနိုင်ပါတယ်။ ဒါပေမဲ့ left နဲ့ Right Click ကိုနှိပ်ရတဲ့အခါအနည်းငယ်အသံဆူတာကိုတွေ့ရပါတယ်။

Ports

Port တွေအနေနဲ့ ဘယ်ဘက်မှာ Charging Port၊ HDMI 2.1 Port တစ်ခုနဲ့ USB 3.2 Gen 1 ၂ခုပါပါတယ်။

ညာဘက်မှာတော့ 3.5mm Mic in တစ်ခု၊ 3.5mm Headphone-out(HiFi) တစ်ခု USB 3.2 Gen 1တစ်ခု၊ USB 3.2 Gen 1(Type-C) တစ်ခုနဲ့ LAN အတွက် RJ-45 jack တစ်ခုပါပါတယ်။

Webcam

Video Call တွေအတွက် Webcam ရဲ့ ရုပ်ထွက်က ပြတ်သားတဲ့အထဲမပါပေမဲ့ အလင်းသိပ်မရှိတဲ့နေရာမှာလည်း ကောင်းကောင်းမြင်ရပါတယ်။ ယျေဘူယျခြုံပြောရမယ်ဆိုရင် မဆိုးပါဘူး။ Windows Hello ရဲ့ biometric sign-in အတွက် IR Camera ရော Finger Print Reader ရောမပါတဲ့အတွက် PIN code ရိုက်ပြီးသာ log-in ဝင်ရမှာပါ။ Zoom Meeting လုပ်ကြည့်တဲ့အခါ ကိုယ့်ရဲ့ရုပ်နဲ့အသံကို တဖက်ကကောင်းမွန်တဲ့ Feedback ပေးတာတွေ့ရပါတယ်။

Audio

Audio ပိုင်းကိုပြောရမယ်ဆိုရင် MSI Bravo 17 မှာ 2w Speaker ၂လုံးကို Laptop ရဲ့အောက်ဘက် ဘယ်ညာထောင့်‌တစ်ခုစီမှာနေရာချထားပါတယ်။ သူ့စျေးတန်းနဲ့သူဆိုရင် Speaker တွေရဲ့အသံထွက်ကျေနပ်စရာဖြစ်ပြီး အရင်ကစမ်းခဲ့တဲ့ Dynaudio Speaker သုံးထားပါတယ်ဆိုတဲ့ GS66 ထက်အများကြီးအသံထွက်ပိုကောင်းပါတယ်။ ဒါပေမဲ့ သီးခြား Woofer မပါလို့ Base အသံတော့နည်းနေတာတွေ့ရပြီး သူမှာပါတဲ့ Nahimic Audio software ကနေ အနည်းငယ် tuning လုပ်လိုက်တာနဲ့ ပိုနားထောင်လို့ကောင်းသွားပါတယ်။

Bravo 17 မှာ သီးခြား Headphone နဲ့ Mic အတွက် 3.5mm Audio Jack တစ်ခုစီပါဝင်ပြီး Combo Jack မဟုတ်လို့ Gaming Headset အများစုနဲ့အဆင်ပြေပြေသုံးနိုင်မှာပါ။ ဒီဈေးတန်းမှာ အရမ်းမိုက်တဲ့ Features တစ်ခုက Headphone အတွက် MSI က 24 bit 192KHz အထိရတဲ့ HiRes Audio ကိုထုတ်ပေးနိုင်တယ်လို့ဆိုထားတာပါ။ အဲဒီအတွက်ကျနော့်ရဲ့ Hi-Res Headphones တစ်ခုနဲ့ စမ်းသပ်ကြည့်တဲ့အခါ Bravo 17 ဟာ HiRes သီချင်းတွေကို ကျနော့်Desktopထက် သိသိသာသာနားထောင်လို့ကောင်းနေတာမို့ အတော် လေးသဘောကျမိပါတယ်။

ဂိမ်းဆော့ကြည့်ရာမှာတော့ Nahimic Audioမှာပါတဲ့ surround ထက် Windows Sonics for headphones ကို တွဲဖက်အသုံးပြုပြီး ကစားတာက surround ပိုကောင်းတယ်လို့ခံစားရပါတယ်။ Battlefield V Multiplayer ကစားကြည့်တဲ့အခါ အနီးအဝေးအထက်အောက်ဘယ်ညာအသံတွေကို ကောင်းစွာထုတ်ပေးနိုင်ပြီး ကျေနပ်လောက်စရာ အသံကိုကြားရပါတယ်။

သူမှာမူလပါဝင်တဲ့ mic ဟာ ပုံမှန်အခြေအနေမှာဆို ကြည်လင်တဲ့အသံကိုဖမ်းပေးနိုင်ပြီး စိတ်ကျေနပ်စရာကောင်းပေမဲ့ Cooler Boost ဖွင့်ထားချိန်မှာတော့ mic ရဲ့အသံကို Fan တွေရဲ့ဆူညံသံကလွမ်းမိုးသွားတာပါတယ်။ ဒါဟာ ဂိမ်းဆော့တဲ့အချိန်မှာ ကြုံရနိုင်ချေများပြီး နားကျပ်နဲ့ဂိမ်းဆော့လေ့ရှိသူတွေက ဒါကိုစိတ်ပူစရာမရှိပါဘူး။

Storage

Bravo 17 4DDR မှာ 512GB ရှိတဲ့ Kingston RBUSNS8154P3512GJ5 NVME SSD ကိုထည့်‌ထားပါတယ်။ SSD ရဲ့ စွမ်းဆောင်ရည်ဟာ Read/Write နှုန်းတွေဟာ NVME SSD တွေထဲမှာ မြန်နှုန်းမကောင်းလှပေမဲ့ သာမန် SATA SSDတွေထက် ၂ဆလောက်‌တော့ပိုမြန်ပါ‌သေးတယ်။ စွမ်းဆောင်ရည်အတိအကျကို Benchmark ပုံမှာကြည့်ပါ။ SSD ရဲ့ Capacity ဟာ 512GB သာရှိလို့ သာမန်သုံးစွဲသူအတွက်အဆင်ပြေလောက်ပေမဲ့ ဂိမ်းတွေအများကြီးထည့်ထားဖို့ရာ မလုံလောက်ပါဘူး။ အရွယ်ကြီးတဲ့ Laptop မို့ Storage မလောက်ဘူးထင်ရင်ထပ်တိုးဖို့အတွက် 2.5in SATA HDD သို့ SSD တပ်ဖို့နေရာတစ်ခုရှိနေပါသေးတယ်။

Battery

Bravo 17 မှာ 51WH ရှိတဲ့ 3Cell Li-Po battery ကိုထည့်သွင်းပေးထားပြီး Battery Capacity မများတာရယ် Gaming အတွက်သာရည်ရွယ်တဲ့ Laptop ဖြစ်တာမို့ ဘက်ထရီသိပ်မခံလောက်ဘူးထင်ပေမဲ့ Video ကြည့်မယ်ဆိုရင် Balance Modeနဲ့ဆို ၅နာရီ‌ခွဲလောက်ခံပြီး အားပြန်သွင်းရင်တော့ ၃နာရီလောက်ကြာတာကိုတွေ့ရပါတယ်

Dragon Center

Gaming Laptop တွေမှာ Utility Software တစ်ခုပါလေ့ရှိပါတယ်။ MSI မှာဆိုရင်တော့ Dragon Center ပါ သူက ကိုယ်သုံးမဲ့ function အလိုက်အတွက် Setting ချိန်လို့ရမယ်၊ ဘက်ထရီခံအောင်သုံးမှာလား စွမ်းဆောင်ရည်အပြည့်သုံးမှာလားစတဲ့ Power တွေချိန်လို့ရမယ်၊ စက်ရဲ့ အပူချိန်နဲ့အမြန်နှုန်းတွေ ဘက်ထရီအခြေအနေတွေကြည့်လို့ရမယ်။ ဂိမ်းတစ်ခုခြင်းကို Optimistize လုပ်ပေးမဲ့ Gaming Mode နဲ့ Adobe တို့ MAGIX တို့ကထုတ်တဲ့ Content Creation Software တွေကို Optimistize လုပ်ပေးဖို့အတွက် Creator Mode ပါဝင်ပါတယ်။ နောက်ပြီး Esport ဂိမ်းတွေမှာ ကိုယ့်ရဲ့ Gameplay ကို record လုပ်ပြီး social media ပေါ်တင်နိုင်မဲ့ Game Highlights လည်းပါပါတယ်။

MSI App Player

MSI App Player ဆိုတာ Bluestacks တို့လိုမျိုး Android App တွေဂိမ်းတွေ Laptop မှာသုံးနိုင်အောင်လုပ်ပေးထားတဲ့ Emulator တစ်ခုပါပဲ။ Android မှာခေတ်စားနေတဲ့ ဂိမ်းတွေကို Bravo 17 မှာကစားနိုင်ပါတယ်။

Testing Methodology and Benchmarks

CPU Benchmark အတွက် Cinebench R15၊ Cinebench R20 နဲ့ Geekbench 5 ကိုထည့်သွင်းစမ်းသပ်ထားပါတယ်။ 8 Cores 16 Thread ရှိတဲ့ Ryzen 7 4800H ဟာ Laptop အနေနဲ့ဆို Performance အရမ်းကောင်းတယ်ဆိုနိုင်ပြီး ဒီLaptop အတွက် overkill ဖြစ်နေတယ်လို့ပြောရလောက်အောင် လိုတာထက်ပိုတဲ့စွမ်းဆောင်ရည်တွေရှိပါတယ်။ Cinebench မှာ Ryzen 7 4800H ဟာ လက်ရှိ Intel ရဲ့ Mobile CPU တွေအားလုံးထက်မြန်ပါတယ် သို့ပင်သော်ငြား အချို့ single thread performance မှာ Intel ကိုမမှီသေးပါဘူး။ Ryzen 7 4800H ရဲ့ Clock Speed တွေက အချို့သော Benchmark တွေမှာဆို Single Core မှာ 4.3GHz အထိရပြီး ဂိမ်းဆော့နေချိန်မှာဆို ကြေညာထားတဲ့အတိုင်း 4.2GHzအထိရပါတယ်။Multi Core မှာ‌‌တော့ 3.9GHz အထိသာအများဆုံးတွန်း‌ပေးတာတွေ့ရပါတယ်။ စွမ်းဆောင်ရည်ကိုသိရအောင် MSI GS66တုန်းက Result တွေနဲ့ပါနှိုင်းယှဉ်ပြထားပါတယ်။

Gaming Performance အတွက် ဂိမ်း၁၂မျိုးနဲ့စမ်းသပ်ထားပါတယ်။ AAA Titles တွေအများစုပါသလို ဒီလမှထွက်ထားတဲ့ Marvel's Avengers ဂိမ်းကိုပါထည့်သွင်းစမ်းသပ်ထားပါတယ်။ RX 5500M ဟာ အလယ်အလတ်စွမ်း‌ဆောင်ရည်သာရှိလို့ AAA ဂိမ်းတွေကို 1080P Ultra Settingမှာ ကစားဖို့က သိပ်အဆင်မပြေပါဘူး။

အကယ်၍ High Setting လောက်နဲ့ ကစားမယ်ဆို Average Framerate က 60FPS နဲ့အထက်မှာသာသာယာယာကစားနိုင်ပါတယ်။ ကျနော့်အမြင်အရ Desktop Monitor ထက် Screen အရွယ် သေးငယ်တဲ့ Laptop တွေမှာ Ultra နဲ့ High က သိပ်သိသာနေမဲ့အရာလဲမဟုတ်ပါဘူး။

ဒီ Bravo 17 4DDR ကို ကျနော်ကစားနေကြဂိမ်းဖြစ်တဲ့ Battlefield V နဲ့ တစ်နေ့ကို ၃နာရီ ၄နာရီလောက်အထိကစားကြည့်တဲ့အခါ Ultra Setting မှာသာ ကစားလို့အဆင်မပြေလှပေမဲ့ High မှာ 80FPS ဝန်းကျင်နဲ့ Medium မှာ 100FPS ဝန်းကျင်ရပါတယ်။

နောက်တစ်ခုက ကျနော်စိတ်ပူရတဲ့အပူပြဿနာကိုလည်းမကြုံရပါဘူး။ ဂိမ်းကစားတဲ့အချိန်တွဲဖက်ထားတဲ့ Screen က FreeSync Premium မို့ ပုံမှန် Gaming Laptop တွေထက် အရမ်းကိုညက်ညောတဲ့ Game Play ကိုခံစားနိုင်ပါတယ်။ Radeon Anti Lag ကြောင့်လည်း ဂိမ်းကစားတဲ့အချိန်မှာ ကောင်းမွန်တဲ့ response ကိုပေးပါတယ်။

Overall Performance အတွက်ကတော့ PCMark 10 နဲ့ပါ။

Productivity အတွက် Blender၊ Corona နဲ့ Vray ကိုထည့်သွင်းစမ်းသပ်ထားပါတယ်။

Storage အတွက် CrystalDiskMark နဲ့စမ်းသပ်ထားပါတယ်။ Benchmark တွေစမ်းလို့ရလာတဲ့ အသေးစိတ်ကို graph တွေနဲ့ပြထားပေးပါတယ်။ Benchmark အားလုံးကို Windows 10 Version 2004 နဲ့ AMD Radeon Adrenaline Driver Version 20.9.1မှာစမ်းသပ်ထားပါတယ်။

ဘက်ထရီစွမ်းဆောင်ရည်ကို Audio Level and Brightness 50% နဲ့ Power Balanced Mode မှာ Netflix ကြည့်တာ ၅နာရီခွဲလောက်ကြည့်လို့ရပါတယ်။ ဒီထက်နည်းတဲ့workloads တွေနဲ့ battery saving mode တွေမှာထားရင် ပိုခံမယ်လို့ထင်ပါတယ်။ ဂိမ်းဆော့မယ်ဆို၁နာရီဝန်းကျင်သာရပါတယ်။

Temperatures and Noise

Bravo 17မှာသုံးထားတာက 8 Cores 16 Threads ရှိတဲ့ Ryzen 7 4800Hပါ။ စစခြင်းကျနော်စိတ်ပူတဲ့အချက်က သူ့ရဲ့Cooling က Ryzen 7 4800H ကိုမထိန်းနိုင်မှာဆိုးရိမ်ခဲ့ပေမဲ့ ထင်ထားတာထက်အများကြီးအဆင်ပြေနေပါတယ်။ ဂိမ်းကစားတဲ့အခါ CPU က Clock Speed က 4.1GHz~4.2GHz ကြားမှာအမြဲလိုလို ထိန်းထားနိုင်စွမ်းရှိတာကိုတွေ့ရပါတယ်။

Bravo 17ရဲ့ Cooling System မှာ Heatpipe ၇ချောင်း နဲ့ GPU Cooling အတွက် Fan ၁ခုနဲ့ CPU Cooling အတွက် fan ၁ခုကိုထည့်ပေးထားပါတယ်။ ဂိမ်းကစားတဲ့အခါ Fan ကို‌ Auto Mode မှာထားကစားရင် အများဆုံး CPUက 85°C နဲ့ GPU က 83°C လောက်တက်လာပြီး Cooler Boost သုံးပြီးကစားမယ်ဆိုရင် CPU က 74°C နဲ့ GPU က 72°C လောက်သာရှိတော့တာပါ။ အသေးစိတ်ကိုပုံမှာပြထားပါတယ်။

ဒီ Laptop မှာတစ်ခုကောင်းတာက Cooler Boost ဖွင့်ပြီး Game ဆော့နေတဲ့အချိန် keyboard က မပူလာပဲ လက်ကချွေးစေးတောင်မပြန်ပါဘူး အပူဆုံးနေရာတောင်မှနွေးရုံလေးသာနွေးပါတယ်။ Gaming mouse သုံးပြီး ဂိမ်းဆော့ကြည့်တဲ့အခါမှာလည်း exhaust ကထွက်တဲ့လေပူတွေက လက်ကိုမရောက်လာတဲ့အတွက်အနှောင့်အယှက်ကင်းကင်းနဲ့ဆော့နိုင်ပါတယ်။

ဆူညံမှုဘက်ကိုပြောရရင် Bravo 17ဟာ ရဲ့ fanဟာ ရိုးရိုးအခြေအနေမှာရော ဂိမ်းဆော့နေတဲ့အချိန်မှာပါ အတော်လေးတိတ်ဆိတ်ပါတယ်။ အပူပိုစွန့်ထုတ်နိုင်အောင် Cooler Boost ကိုဖွင့်သုံးမယ်ဆိုရင် အသံအများကြီးပိုဆူလာပါတယ် ဒါပေမဲ့လည်း အရင်စမ်းခဲ့တဲ့ GS66ထက်အများကြီး တိတ်ဆိတ်ပါတယ်။ အသေးစိတ်ကို ပုံမှာပြထားပါတယ်။

The Good

• Very Powerful Mobile CPU
• Very Smooth Gameplay with 144Hz FreeSync Premium
• Brush Aluminum Chassis
• Thin and Light Weight 17in Gaming Laptop
• 16GB of Memory with this price
• Nice Audio
• Good Battery Life

The Bad

• Weak Display (Color Gamut, Ghosting)
• A Little bit Small and Noisy Trackpad

Conclusion

Bravo 17 ဟာ စွမ်းအားကောင်းလှတဲ့ Processor ကြောင့် ဒီလိုဈေးတန်း Gaming Laptop မှာ မမြင်ဖူးတဲ့စွမ်းဆောင်ရည်ကိုသယ်‌ဆောင်လာပါတယ် ကျေးဇူးပါ AMD‌ ရေ။ Graphics ပိုင်းအနေနဲ့ RX5500M ဟာသိပ်စိတ်တိုင်းကျစရာမဟုတ်ပေမဲ့ ဒီဈေးတန်းနဲ့ရောင်းတဲ့ Nvidia GPU သုံး Gaming Laptop တွေရဲ့ Graphics စွမ်းဆောင်ရည်က ဒီလောက်ပဲတွေ့ရပါတယ်။ 144Hz Refresh Rate FreeSync Premium နဲ့ Audio တွေကတော့ ဒီဈေးမှာမရနိုင်တဲ့ Features ဖြစ်ပြီး သင့်အတွက်အပိုဆုလာဘ်ပါပဲ။ စွမ်းအားကောင်းတဲ့ Processor နဲ့ အရွယ်သိပ်မကြီးတဲ့ ဘက်ထရီပါပေမဲ့လည်း သင့်တင့်တဲ့ဘက်ထရီစွမ်းဆောင်ရည်လည်းရှိပါတယ်။ နောက်တစ်ခုက ဒီဈေးနဲ့ Memory အနေနဲ့ 16GB တပါတည်းပါဝင်တာကလည်း သင့်ကိုငွေကုန်သက်သာစေနိုင်ပါသေးတယ်။ Bravo 17 A4DDR ဟာ ဈေးသက်သက်သာသာနဲ့ အရွယ်ကြီးမားတဲ့ Screen မှာ ဂိမ်းကိုညက်ညက်‌ညောညောအရသာရှိရှိ ဘာမှupgrade မလုပ်ပဲလက်တင်ကစားမယ်ဆိုသူတွေအတွက် အကြိုက်ဖြစ်စေမယ့် Gaming Laptop ဖြစ်ပါတယ်။ ကာလာမမှန်တဲ့ Display ကြောင့် Photo/Video Editingလုပ်ဖို့အဆင်မပြေပေမဲ့ စွမ်း‌အားကောင်းတဲ့ Ryzen 7 CPU က Engineering Software တွေကိုသုံးဖို့ရာလည်းသင့်တော်ပါလိမ့်မယ်။ MSI Bravo 17 A4DDR ရဲ့ဈေးနှုန်းကတော့ $1150 လို့သိရပြီး လက်ရှိ promotionအရ Cash Back $50 နဲ့ AMD Loot Box ပါဝင်တယ်လို့သိရပါတယ်။

Review တွေအတွက် ကျနော့်မှာနာရီပေါင်းများစွာစမ်းသပ်ထားရပါတယ်။ ဒီလို review တွေရေးပြီးချိန်မှာ မိတ်ဆွေတို့ရဲ့ Like တစ်ချက် Share တစ်ခုဟာ နောက်စာတွေဆက်ရေးဖို့ကျနော့်ကိုများစွာအားတက်စေတာမို့ သဘောကျနှစ်သက်တယ်ဆိုလို့ရှိရင် Page လေးကို Like ‌‌and Share လုပ်ပေးခြင်းဖြင့်ကူညီပါလို့တောင်းဆိုလိုက်ပါတယ်။ ကျနော့်ကို Review Unit ပေးတဲ့ MSI Gaming ကိုလည်းအထူးကျေးဇူးတင်ပါတယ်။

#EnThueTech
#Review
#Gaming #Laptop
#MSI #Bravo #Bravo17