Radeon Instinct MI100 GPU အသစ်နှင့်အတူ Exascale Computing လမ်းကြောင်းအပေါ်ရောက်လာတဲ့ AMD

၂၀၂၀ခုနှစ် နိုဝင်ဘာလဟာ AMD Radeon division အတွက် ပြီးပြည့်စုံတဲ့လတစ်လဖြစ်ခဲ့ပြီး AMDရဲ့ RDNA 2 နဲ့ CDNA architecture တွေဟာ Gaming နဲ့ HPC ဈေးကွက်အတွက် ဝေစုတွေထိန်းသိမ်းထားနိုင်ခဲ့ပါတယ်။ 

မနေ့က AMDဟာ ပထမဦးဆုံး CDNA(Compute DNA) architecture သုံး Radeon Instinct MI100 GPUကို ထုတ်ဖော်ပြသခဲ့ပါတယ်။ AMD ရဲ့အဆိုအရ အဆိုပါ GPU ဟာ ကမ္ဘာ့အမြန်ဆုံး HPC GPU ဖြစ်ကာ Nvidia ရဲ့ Ampere A100 peak performance per cost 2.1 ဆအထိပိုမိုသာလွန်တယ်လို့ဆိုပါတယ်။
CDNA graphics architecture ဟာ AMDကို exascale computing လမ်းကြောင်းပေါ်ကို ရောက်ရှိစေမှာဖြစ်ပါတယ်။ AMD အနေနဲ့ exascale supercomputer တွေတည်ဆောက်ရာမှာ ပါဝင်ခဲ့ပြီးဖြစ်ကာ EPYC Processor တွေနဲ့ CDNA graphics တွေရဲ့အစွမ်းကြောင့် AMD နဲ့ သူ့ရဲ့မိတ်ဖက်တွေအတွက် ပိုမိုမြင့်မားတဲ့စွမ်းဆောင်ရည်‌တွေရရှိစေမှာပါ။ 

Radeon Instinct MI100 GPU ဟာ 120 Compute Units နဲ့ Stream Processorsပေါင်း 7680ခု ပါဝင်ပြီး TSMC ရဲ့ 7nm FinFET ထုတ်လုပ်ထားကာ 300W TDP အတွင်း half precision စွမ်းဆောင်ရည် 184.6 TFLOPS အထိရရှိနိုင်ပါတယ်။ 

Radeon Instinct MI100မှာ total bandwidth1.23 TB/s ရှိတဲ့ 32GB HBM2 Memory ပါဝင်ပါတယ်။ ဒီလိုများပြားလှတဲ့ memory performance ကိုရရှိနိုင်ခဲ့တာက 8GB HBM2 memory stack ၄ခုကြောင့်ဖြစ်ပါတယ်။ 

MI100 ကို ယခင်မျိုးဆက်တွေနဲ့ နှိုင်းယှဉ်ကြည့်တဲ့အခါမှာ ကြီးမားတဲ့စွမ်းဆောင်ရည်ကွာခြားချက်ကိုတွေ့ရမှာပါ။ Matrix ဆိုတဲ့နည်းပညာအသစ်ကြောင့် FP16 အခြေခံ AI workload မှာ ၇ဆနဲ့ Infinity Fabric architecture အသစ်ကြောင့် GPU အခြင်းခြင်းချိတ်ဆက်ရာမှာ စွမ်းဆောင်ရည် ၄ဆပိုမိုလာပါမယ်။
CDNA architecture အသစ်ဟာ Nvidia နဲ့နှိုင်းယှဉ်ပါက ပါဝါစားသုံးမှုပိုမိုနည်းပါးကာ raw performance ပိုမိုကောင်းမွန်တယ်လို့ဆိုပါတယ်။ Developer တွေအတွက်လည်း AMD ရဲ့ ROCm 4.0 Software က ကောင်းစွာအထောက်အပံ့ပေးမယ်လို့ဆိုပါတယ်။ AMD အနေနဲ့ Dell၊ Gigabyte၊ HP Enterprise နဲ့ SuperMicro တို့နဲ့လက်တွဲကာ Radeon Instinct MI100 System တွေကိုဖြန့်ချီသွားမှာပါ။
Source: Videcardz and OC3D
#EnThueTech
#AMD
#Radeon