တစ်ပတ်အတွင်း နည်းပညာသတင်းများ (Week 4 - July 10th - July 17th 2021)

တစ်ပတ်အတွင်း နည်းပညာသတင်းတိုတွေကိုစုစည်းတင်ပြပေးလိုက်ပါတယ်။

Valve မှ Handheld PC ဖြစ်သည့် Steam Deck ကိုကြေညာ

ဒီနှစ်အစောပိုင်းမှာ Valve ကနေ console တစ်ခုကို ဖန်တီးနေတယ်လို့ ကောလာဟာလတွေထွက်ရှိခဲ့ပေမယ့် chip တွေပြတ်လပ်နေတာကြောင့် သိပ်အရေးမစိုက်မိခဲ့ပါဘူး။ ဘယ်လိုပဲဖြစ်ဖြစ်ပါ Valve ကနေ Handheld PC ဖြစ်တဲ့ Steam Deck ကိုကြေညာခဲ့ပါပြီ။

Steam Deck Specifications
CPU: AMD Zen 2 4c/8t, 2.4-3.5GHz (up to 448 GFlops FP32)
GPU: 8 RDNA 2 CUs, 1.0-1.6GHz (up to 1.6 TFlops FP32)
Node: 7nm TSMC
RAM: 16 GB LPDDR5
Storage: 64GB, 256GB, 512GB models; expandable with MicroSD cards
Display: 7" diagonal, 1280x800 (16:10), 60Hz LCD touchscreen
Audio: Stereo speakers that "pack a punch," says Valve, 3.5mm stereo jack, dual mics, multichannel USB-C/Bluetooth output
Controls: Two analog sticks with capacitive touch, D-pad, face buttons, analog triggers, bumpers, assignable grip buttons, "view" and "menu" buttons, gyro
Trackpads: There's two of them, and Valve says that they have "55% better latency compared to Steam Controller."
Wireless connectivity: Wi-Fi and Bluetooth
Wired connectivity: USB-C with DisplayPort 1.4 Alt-mode support; up to 8K @60Hz or 4K @120Hz, USB 3.2 Gen 2
Battery: 40Whr, "2-8 hours of gameplay"
Size: 11.7" x 4.6" x 1.8" (298mm x 117mm x 49mm)
Weight: Approximately 1.47 lbs (669 grams)

Steam Deck မှာ low power CPU တွေထဲအားအကောင်းဆုံးဖြစ်တဲ့ AMD ရဲ့ 4 Cores 8 Threads custom CPU တပ်ဆင်ထားပြီး 3.4GHz အထိတွန်းတင်ပေးနိုင်ကာ RDNA 2 CU ပါတပါတည်းပါဝင်ပါတယ်။ Memory ပိုင်းအတွက် 16GB ရှိတဲ့ LPDDR5 ကိုသုံးထားပါတယ်။

Steam Deck မှာ ၇လက်မ 1280x800 60Hz IPS Screen ကိုသာသုံးထားပါတယ်။ 1080P Display ထည့်သုံးရင် စာရွက်ပေါ်မှာ အဆင်ပြေပေမယ့် လက်တွေ့Hardware တွေမလိုက်နိုင်တာမို့ မထည့်ပေးလိုက်ဘူးလို့ပဲယူဆရပါတယ်။ ကျနော် iGP တွေကိုစမ်းကြည့်ရသလောက်ကလည်း ဂိမ်းတော်တော်များများကို 1080P မှာကစားဖို့က သိပ်အဆင်ပြေသေးဘူးဆိုတော့ မထည့်ထားတာကို အပြစ်မတင်ရက်ပါဘူး။

OS ကတော့ အခြားသော Handheld PC တွေဖြစ်တဲ့ GPDWin, Smach Z နဲ့ Alienware UFO တို့လို Windows OS မသုံးထားပဲ ယခင်မအောင်မြင်ခဲ့တဲ့ Steam Machine တုန်းက သုံးဖူးတဲ့ Linux အခြေခံ Steam OS ကို ပြန်လည်အဆင့်မြှင့်ကာ အသုံးပြုထားပါတယ်။ သူ့မှာ Proton ဆိုတဲ့ layer ပါပြီး PC မှာလို ဂိမ်းတွေကောင်းကောင်းကစားနိုင်အောင်ဖန်တီးထားတယ်လို့ဆိုပါတယ်။ ဒါပေမယ့် PC Gamer အဆိုအရ Destiny 2, Apex Legends, PUBG နဲ့ Rainbow Six တို့ကိုမကစားနိုင်ပါဘူး။ ဒီလိုမကစားနိုင်တာကလဲ ဂိမ်းတွေရဲ့ anti-cheat စနစ်ဟာ ဂိမ်းဖွင့်လိုက်တဲ့အခါ တပါတည်းမတက်လာနိုင်တာကြောင့် multiplayer servers တွေထဲဝင်လို့မရတာလို့ဆိုပါတယ်။ Valve အနေနဲ့ကတော့ ဂိမ်းတွေပိုကစားလာနိုင်အောင် လုပ်ဆောင်နေတယ်လို့ဆိုပါတယ်။

ဘက်ထရီပိုင်းအနေနဲ့ ၂နာရီကနေ ၈နာရီလောက်ကစားလို့ရမှာဖြစ်ပြီး Desktop လိုသုံးချင်ရင် dock နဲ့တွဲသုံးနိုင်ပါတယ်။ Dock မှာ USB 3.1 တစ်ခု၊ USB 2.0 ၂ခု၊ Ethernet၊ Display Port 1.4 တို့ပါဝင်ပါတယ်။တွေပါဝင်ပါတယ်။

Steam Deck ကို ဒီနှစ်အားလပ်ရက်မှာစတင်ရောင်းချပေးသွားမှာဖြစ်ပြီး အမှာစာတွေမကြာမှီတင်နိုင်တော့မယ်လို့ဆိုပါတယ်။ Steam Deck ရဲ့ဈေးနှုန်းဟာ ပါဝင်တဲ့ Storage အလိုက်ကွာခြားနေမှာဖြစ်ပြီး eMMC 64GB ကို $399, NVME 256GB ကို 529 နဲ့ NVME 512GB မှာ Anti Glare Screen ပါဝင်ပြီး 649ကျသင့်မှာဖြစ်တယ်လို့ဆိုပါတယ်။ Model အားလုံးကို Micro SD ကတ်နဲ့ Storage တိုးနိုင်ပြီး Basic Model မှာတော့ carrying case တွေ NVME SSD တွေပါဝင်မှာမဟုတ်ပါဘူး။

နောက်ဆုံးသိရှိရသလောက် Gabe Newell ဟာ Steam Deck ကို ယခင် Steam Machine တုန်းကလို အခြား Manufacturer တွေကနေပါထုတ်ဝေစေလိုတယ်လို့ IGN ရဲ့သတင်းအရသိရပါတယ်။
Source: Hot Hardware, OC3D, IGN, PC Gamer and Valve

Company of Heroes 3 ထွက်ရှိလာမည်

Relic Entertainment ဟာ Company of Heroes 3 ကိုကြေညာခဲ့ပါတယ်။ Company of Heroes ဂိမ်းစီးရီးဟာ နာမည်ကျော်ကြားလှတဲ့ RTS ဂိမ်းအမျိုးအစားဖြစ်ပြီး ယခုအသစ်ကြေညာတဲ့ဂိမ်းဟာ စီးရီးရဲ့၃ခုမြောက်ဖြစ်ပါတယ်။

Company of Heroes 3 ဟာ အီတလီနဲ့ မြောက်အာဖရိကကိုအခြေခံထားပါတယ်။ ဂိမ်းမှာ Multiplayer အနေနဲ့ ဂျာမန်၊ ဗြိတိန်၊ အမေရိကန်စစ်သားတွေနေရာမှာကစားနိုင်ပေမယ့် Singleplayer Campaign မှာတော့ မဟာမိတ်စစ်သားတွေအဖြစ်သာကစားနိုင်မှာပါ။

Company of Heroes 3 ဟာ ၂၀၂၂လောက်မှသာထွက်ရှိလာမယ်လို့သိထားရပြီး ဂိမ်းရဲ့ Demo ကိုတော့ Steam မှာ ကစားခွင့်ပြုထားပြီဖြစ်ပါတယ်။
Source: Steam

Red Dead Redemption 2 ရဲ့ DLSS စွမ်းဆောင်ရည်ဘယ်လောက်ရှိမလဲ

Red Dead Redemption 2 မှာ DLSS အထောက်အပံ့ပါလာပါပြီ FPS ဘယ်လိုတိုးတက်လာလဲဆိုတာ Benchmark လေးကိုတစ်ချက်ကြည့်လိုက်ပါ။

Source: wccftech

တကျော့ပြန်လည်ပေါ်ထွက်လာမည့် World War 3

World War 3 ဟာ Battlefield ဂိမ်းနဲ့ဆင်တူတဲ့ Indie shooter ဂိမ်းဖြစ်ပါတယ်။ ဒီဂိမ်းကို Chernobylite ကိုဖန်တီးတဲ့ The Farm 51က ရေးဆွဲထားပါတယ်။ သို့ပင်သော်ငြား World War 3 ဂိမ်းဟာ Early Access အနေနဲ့ပေါ်ထွက်လာခဲ့ပေမယ့် ပြဿနာပေါင်းများစွာရှိခဲ့လိုအောင်မြင်မှုမရခဲ့ပဲ ဂိမ်းကို‌ရပ်နားထားရပါတယ်။

တစ်နှစ်ကျော်အကြာမှာ ဂိမ်းကိုကြီးကြီးမားမား အပြောင်းအလဲတွေလုပ်ထားပါတယ်လို့ Developer တွေကဆိုပါတယ်။ ဗီဒီယိုထဲမှာတော့ တော်တော်ကြီးတိုးတက်ကောင်းမွန်လာတာတွေ့ရပေမယ့် စောင့်ကြည့်ဖို့ရာလိုပါသေးတယ်။ ဂိမ်းကိုဘယ်တော့ ပြန်ကစားလို့ရမယ်ဆိုတာအတိအကျမပြောသွားပေမယ့် ဂိမ်းဟာအခပေးဂိမ်းကနေ free to play အဖြစ်ပြောင်းလဲသွားမယ်လို့‌တော့သိရပါတယ်။ Modern FPS သမားတွေအနေနဲ့ စောင့်ကြည့်သင့်တဲ့ ဂိမ်းတစ်ခုဖြစ်ပါတယ်။
Source: vg247

Richard Branson ကို အာကာသထဲပို့ဆောင်ပေးနိုင်ခဲ့တဲ့ Virgin Galactic

ဗြိတိန်စွန့်ဦးတီထွင်သူ Richard Branson ဟာ သူရဲ့ Virgin Galactic ကုမ္မဏီကတည်ဆောက်ထားတဲ့ Space Ship Two အာကာယာဉ်ကိုစီးနင်းကာ အာကာသအစပ်ကို ရောက်ရှိနိုင်ခဲ့ကာ ပုဂ္ဂလိကအာကာသခရီးသွားလုပ်ငန်းကို အစပျိုးနိုင်ခဲ့ပြီဖြစ်ပါတယ်။

Richard Branson ဟာ အာကာသခရီးသွားလုပ်ငန်းလုပ်ဆောင်ဖို့ Virgin Galactic ကုမ္မဏီကို လွန်ခဲ့တဲ့ ၁၇နှစ်ထဲက တည်ထောင်ခဲ့တာဖြစ်ပါတယ်။ Space Ship Two အာကာသယာဉ်ဟာ သမားရိုးကျ အာကာသယာဉ်တွေလို ဒုံးပျံကနေလွှတ်တင်တာမဟုတ်ပဲ သီးသန့်ဖန်တီးထားတဲ့ White Night Two ဆိုတဲ့ ကုန်တင်လေယာဉ်ကနေ အမြင့်ပေ ၅သောင်းခန့်သယ်ဆောင်ကာ အာကာသယာဉ်ကိုလွှတ်ချပေးခဲ့ပါတယ်။ ဒီအချိန်မှာ Space Ship Two ဟာ သူရဲ့ ရော့ကတ်အင်ဂျင်ကိုနှိုးပြီး ကမ္ဘာမြေပြင်ထက် ၅၅မိုင်ခန့်အမြင့်ကိုပျံသန်းသွားတာဖြစ်ပါတယ်။ အဆိုပါအမြင့်ကို Kármán Line လို့ခေါ်ဆိုကြပြီး ကမ္ဘာမြေလေထုနဲ့ အာကာသဟင်းလင်ပြင်ထိစပ်နေတဲ့နေရာဖြစ်ပါတယ်။

Richard Branson ကို Amazon ပိုင်ရှင် Jeff Bezos ဟာ အောင်မြင်ပါစေ၊ ဘေးကင်းပါစေလို့ IG မှာဆုတောင်းပေးခဲ့ပါတယ်။ Bezos ရဲ့ Blue Origin ကုမ္မဏီဟာလည်း New Shepherd အာကာသယာဉ်ကို ဒီရက်ပိုင်းအတွင်းမှာ လွှတ်တင်သွားဖို့ရှိနေပါတယ်။
Source: The Guardian

ပြိုင်ဘက်များကို အသာစီးရရန် Netflix မှ ဂိမ်းနယ်ပယ်သို့ဝင်ရောက်လာမည်

တီဗီရှိုးတွေနဲ့ရုပ်ရှင်တွေကို Streaming လုပ်ရင်းနဲ့ အောင်မြင်မှုတွေရယူလာတဲ့ Netflix ဟာ ဂိမ်းနယ်ပယ်ကိုခြေဆန့်နိုင်ဖို့ EA နဲ့ Facebook က အရာရှိဟောင်းတစ်ဦးဖြစ်တဲ့ Mike Verdu ကိုငှားရမ်းလိုက်တယ်လို့သိရပါတယ်။

Verdu ဟာ Netflix game development ရဲ့ vice president ဖြစ်လာမှာဖြစ်ပြီး COO Greg Peter ကို အစီရင်ခံရမှာပါ။ သူ့အနေနဲ့ Facebook မှာရှိစဉ်ကာလက Oculus VR အတွက် ဂိမ်းတွေ အခြား content တွေထည့်သွင်းဖို့ရာ developer တွေကိုဦးဆောင်ပေးခဲ့တယ်လို့ဆိုပါတယ်။

နောက်နှစ်မှာ Netflix ပေါ်ဂိမ်းတွေရောက်လာမှာဖြစ်ပြီး ဂိမ်းတွေကြောင့် Subscription ဈေးတင်မှာမဟုတ်သေးကြောင်းသိရပါတယ်။
Source: Bloomberg

Battlefield 2042 တွင် cross play ကစားနိုင်မည်

အသစ်ထွက်လာမည့် Battlefield ဂိမ်း Battlefield 2042 မှာ Cross Play ပါဝင်လာမယ်လို့သိရပါတယ်။ သို့ပင်သော်ငြား ယခင်မျိုးဆက်ဟောင်းဂိမ်းစက်တွေရဲ့ စက်မှုပိုင်းဆိုင်ရာအကန့်အသက်ကြောင့် PS4 နဲ့ Xbox One console အခြင်းခြင်းသာ cross play ကစားနိုင်မှာဖြစ်ပါတယ်။ PC PS5 နဲ့ Xbox Series X/S တို့မှာတော့ အခြင်းခြင်း Cross Play ကစားနိုင်ပါတယ်။

ဒါတင်မက ဂိမ်းကို platform တစ်ခုမှာဝယ်ယူရုံနဲ့ အခြားတစ်ခုမှာ ထပ်ဝယ်စရာမလိုတော့သလို platform ပြောင်းလိုက်သည့်တိုင် ဂိမ်းရဲ့ progress တွေကိုပါဆက်လက်ပါဝင်လာစေမယ်လို့သိရပါတယ်။

Source: Eurogamer

Epic Games မှာ Obduction နဲ့ Offworld Trading Company ကိုရယူပါ

ဒီအပတ်အတွက် Epic Games မှာ Obduction ဆိုတဲ့ Indie Puzzle Adventure ဂိမ်းလေးနဲ့ RTS ဂိမ်းတစ်ခုဖြစ်တဲ့ Offworld Trading Company ကို အခမဲ့ပေးနေပြီး ဇူလိုင်လ၂၂ရက်နေ့အထိရယူနိုင်ပါတယ်။

နောက်အပတ်မှာတော့ ပထမကမ္ဘာစစ်အခြေခံ FPS ဂိမ်းထဲက Verdun ဂိမ်းနဲ့ Defense Grid: The Awakening ကိုရယူခွင့်ပေးသွားမှာပါ။