AMD ၏ နောင်ထွက်ရှိမည့် X670 Chipset သည် B650 chip ၂ခုကိုပေါင်းစည်းထားခြင်းဖြစ်လာမည်

မျိုးဆက်သစ် Ryzen CPU တွေထွက်ရှိလာတဲ့အခါ သူနဲ့တွဲဖက်သုံးရမယ့် motherboard တွေလည်းထွက်လာမှာပါ။ သုံးစွဲသူတွေဟာ motherboard chipset version အပေါ်မူတည်ပြီး သူတို့ရွေးချယ်လိုက်တဲ့ processor ရဲ့လုပ်ဆောင်နိုင်စွမ်း‌တွေ ကန့်သတ်ခံရပါတယ်။ AMD ဟာ motherboard chipset ကိုဖန်တီးရာမှာ ထိုင်ဝမ်က ASMedia နဲ့ပူးပေါင်းဆောင်ရွက်နေပါတယ်။ သူတို့က ပုံမှန်အားဖြင့် High-End၊ Midrange နဲ့ Low End ဆိုပြီး အပိုင်းတွေခွဲပြီးထုတ်ကြတာပါ။ သို့ပင်သော်ငြား high-end motherboard chipset ဟာ mid-range chipset တွေကိုပေါင်းစည်းလာတာမျိုးဖြစ်နိုင်တယ်လို့ BiliBili forum တွေမှာတွေ့နေရတယ်‌ဆိုပါတယ်။ 

သူတို့တွေ့ရ‌သလောက်က AMD X670 motherboard chipset ဟာ Multi Chip Module (MCM) design နဲ့ဖြစ်ပြီး mid-range B650 motherboard chipset ၂ခုကိုပေါင်းစည်းထားတာလို့ဆိုပါတယ်။ B650 motherboard chipset ၂ခုကိုပေါင်းစည်းကာ X670 chipset ဖြစ်လာစေပြီး motherboard ထုတ်လုပ်သူတွေကို အသုံးပြုဖို့ AMD ကတွန်းအားပေးနေပါတယ်။ ဒီလိုလုပ်လိုက်တဲ့အတွက် Mini-ITX motherboard ကို ဒီဇိုင်းပြုထုတ်လုပ်ရတာခက်ခဲစေမှာပါ။ ဒီကောလာဟလကို ချင့်ချိန်ယုံကြည်ကြဖို့လိုပြီး ဘယ်လိုဖြစ်လာမလဲဆိုတာမသိနိုင်သေးပါဘူး။ ငွေကြေးပိုင်းအရတော့ AMD ဟာ chipset အသစ်ထပ်ဖန်တီးပြီး ထုတ်လုပ်ခိုင်းဖို့ရာမလိုအပ်တဲ့အတွက် အဓိပ္ပါယ်ရှိသယောင်ထင်ရပါတယ်။

Source: Techpowerup

#EnThueTech

#News 

#AMD #Motherboard