Google မှ ChatGPT free version ထက်သာလွန်စေရန် Bard AI ၏ Gemini model ကို အဆင့်မြှင့်တင်မည်

Image: Amy Kim

ChatGPT ကိုယှဉ်ပြိုင်ဖို့အတွက် Google ဟာ သူတို့ရဲ့မျှော်လင့်ချက်တစ်ခုဖြစ်တဲ့ Gemini model ကိုအသုံးပြုသွားမယ်လို့ဆိုပါတယ်။

Google ဟာ Gemini model ကို ဗားရှင်း ၃မျိုးနဲ့ဖြန့်ချီသွားမှာဖြစ်ကာ ပထမဆုံးဗားရှင်းက အင်္ဂလိပ်ဘာသာသုံးစွဲသူ‌တွေအတွက် အခမဲ့အသုံးပြုနိုင်တဲ့ Bard ဝန်ဆောင်မှုမှာ ရရှိနိုင်ပါတယ်။ Google အဆိုအရ ဒီ model အသစ်ဟာ OpenAI ရဲ့ အခမဲ့အသုံးပြုနိုင်တဲ့ ChatGPT ကို သင်္ချာနဲ့ ဘာသာစကားနားလည်မှုအပါအဝင် Benchmark ၈ခုအနက် ၆ခုမှာ အသာရထားတယ်လို့ဆိုပါတယ်။

"ဒါဟာ Bard ကိုစတင်ဖြန့်ချီချိန်ကတည်းက အကြီးမားဆုံးအဆင့်မြှင့်တင်မှုပဲ" လို့ကုမ္ပဏီကဆိုပါတယ်။ လာမယ့်လာတွေအတွင်း အသုံးပြုသူတွေဟာ Gemini ကို အခြားဝန်ဆောင်မှုတွေဖြစ်တဲ့ Google Search ads နဲ့ Chrome တွေတို့ကို စွမ်းအားပေးလာနိုင်တယ်လို့မျှော်လင့်ထားနိုင်ပါတယ်။

Image: Google

ဒုတိယဗားရှင်းဖြစ်တဲ့ Gemini Nano က စမတ်ဖုန်းတွေအတွင်းအသုံးပြုနိုင်လောက်အောင် အရွယ်အစားသေးငယ်ပါတယ်။ အဆိုပါ Gemini Nano ကို Pixel 8 Pro ဖုန်းတွေအတွက်ထုတ်ပေးထားပါတယ်။ ဒါပေမယ့် မူလ Bard ဗားရှင်းကို လည်ပတ်နိုင်မှာမဟုတ်ပဲ Recorder App မှာ စာသားအနှစ်ချုပ်ပေးတာနဲ့ Google Keyboard က smart reply function အတွက်သာအသုံးပြုထားတာဖြစ်ပါတယ်။

Gemini Ultra ကတော့ OpenAI က အခပေး ChatGPT ဝန်ဆောင်မှုဖြစ်တဲ့ GPT-4 မော်ဒယ်ထက် Google ကကိုယ်ပိုင်တိုင်းတာခဲ့တဲ့ benchmark တွေမှာ သာလွန်တယ်လို့ဆိုပါတယ်။ ဒါပေမယ့် ကုမ္ပဏီအနေနဲ့ ယုံကြည်စိတ်ချရပြီး ဘေးကင်းကြောင်းသေချာစေဖို့ စမ်းသပ်မှုတွေပြုလုပ်ဖို့လိုအပ်နေပါသေးတယ်။ ဒီအတွက် Gemini Ultra ဟာ နောက်နှစ်အစောပိုင်းအထိ Bard Advance လို့‌ခေါ်တဲ့ အဆင့်သစ်တစ်ခုကို ရောက်လာဦးမှာမဟုတ်ပါဘူး။ ဒါတင်မက အသုံးပြုသူတွေကိုငွေကြေးကောက်ခံသွားမှာလားဆိုတာ ရှင်းရှင်းလင်းလင်းမသိရသေးပါဘူး။

Image: Google

ဒီအတောအတွင်း Google ဟာ Gemini ရဲ့စွမ်းရည်တွေကို ဝက်ဘ်ဆိုဒ်တစ်ခုမှာသရုပ်ပြထားကာ AI model အနေနဲ့အသုံးပြုသူထည့်သွင်းလိုက်တဲ့ စာသား၊ရုပ်ပုံ၊အသံနဲ့ ကွန်ပြူတာကုဒ်တွေကိုနားလည်နိုင်စွမ်းရှိကြောင်းပြသထားပါတယ်။ ဥပမာ Gemini အနေနဲ့ ငှက်အုပ်တစ်အုပ်ရဲ့လှုပ်ရှားမှုကို သွင်တူပြုတဲ့ ပရိုဂရမ်တစ်ခုဖန်တီးဖို့ရာ ဗီဒီယိုတစ်ခုပြသဖို့ရာလိုအပ်ပါတယ်။

အသုံးပြုတွေနဲ့အတူ Google ဟာ ပြင်ပ developer တွေ က app တွေ သို့ အင်တာနက်ဝန်ဆောင်မှုတွေဖန်တီးရာမှာ Gemini model တွေအသုံးပြုနိုင်ဖို့အတွက်စီစဉ်နေတယ်လို့ဆိုပါတယ်။ အသုံးပြုခွင့်ကတော့ ဒီဇင်ဘာလ ၁၃ရက်နေ့မှာ Google AI Studio နဲ့ Google Cloud Vertex ကတဆင့် ရရှိမှာဖြစ်ပါတယ်။

Source: PCMag

#EnThueTech
#News
#AI