တစ်ပတ်အတွင်း နည်းပညာသတင်းများ

Image: Microsoft

Microsoft မှ Telegram တွင် Copilot Bot ထည့်သွင်းလာ

Microsoft က သူ့ရဲ့ Copilot bot ကို လူကြိုက်များတဲ့ messaging app ဖြစ်တဲ့ Telegram မှာ ထည့်သွင်းလိုက်ပါတယ်။ ဒီနည်းပညာက Messages တွေကိုအတိုချုပ်ပေးခြင်း၊ စာကိုဘာသာပြန်ပေးခြင်း၊ မေးခွန်းများကိုဖြေကြားပေးခြင်းစတဲ့ လုပ်ငန်းဆောင်တာတွေကို ဆောင်ရွက်နိုင်ပါတယ်။ AI နည်းပညာကို အသုံးပြုတဲ့ Copilot က အချိန်ဇယားဖွဲ့ခြင်း၊ အမှတ်တရများ စီစဉ်ခြင်းနဲ့ ကိုယ်ပိုင် Command များ ဖန်တီးခြင်းတွေအထိ လုပ်ဆောင်နိုင်ပါတယ်။ ဒီလိုပေါင်းစည်းခြင်းဟာ Microsoft ရဲ့ AI ကို အခြား Platform တွေမှာ ထည့်သွင်းဖို့ ကြိုးပမ်းမှုတစ်ခုဖြစ်ပြီး ယနေ့ Telegram အသုံးပြုသူများအတွက် အဆင်ပြေ၊ ထိရောက်တဲ့ ဆက်သွယ်မှုအတွေ့အကြုံကို ပေးစွမ်းနိုင်ပြီဖြစ်ပါတယ်။

Source: PCMag

Image: Kiyoshi Ota/Bloomberg

PC Adapter ကို Sony ရဲ့ PlayStation VR2 အတွက် ဖန်တီးနေ

Sony က သူ့ရဲ့ PlayStation VR2 Headset အတွက် PC Adapter တစ်ခုကို ဖန်တီးနေပါတယ်။ ဒီ Adapter က PC Gamer တွေကို PlayStation Console တွေမှာသာ အရင်က အသုံးပြုနိုင်တဲ့ အဆင့်မြင့် VR နည်းပညာကို PC ပေါ်မှာ အသုံးပြုခွင့်ရစေမှာ ဖြစ်ပါတယ်။ ဒါ့အပြင် PlayStation VR2 ရဲ့ မြင့်မားတဲ့ ရုပ်ထွက်နဲ့ လက်တွေ့အကျဆုံး VR အတွေ့အကြုံတွေကို PC တွေမှာ ရယူနိုင်ပြီဖြစ်တဲ့အတွက် VR Ecosystem အတွက် မြင့်မားတဲ့ ဖွံ့ဖြိုးတိုးတက်မှုကို ရရှိစေမှာပါ။ ဒီ အစီအစဉ်က Cross-Platform Compatibility ကို ဦးတည်ပြီး Gaming နယ်ပယ်ရဲ့ ကျယ်ပြန့်တဲ့ ပရိသတ်ဘက်ကို ဦးတည်ထားတာကိုလည်း တွေ့မြင်နိုင်ပါတယ် ။
Source: PCMag

Image: ASML

ရုရှားမှပထမဆုံး Lithography Tool ကို စတင်တီထွင် လက်ရှိစက်များထက် နှစ်၃၀နောက်ကျနေ

ရုရှားက သူ့ရဲ့ ပထမဆုံး တီထွင်တဲ့ Lithography Tool ကို ဖော်ပြလိုက်ပေမယ့် နည်းပညာရဲ့ ခေတ်မှီမှုအရ ၃၀ နှစ် နောက်ကျနေပါတယ်။ ဒါဟာ ရုရှားအနေနဲ့ Semiconductor ထုတ်လုပ်မှုမှာ နည်းပညာအရ လွှမ်းမိုးမှုရရှိဖို့ ကြိုးစားနေကို ဖော်ပြနေခြင်းဖြစ်ပါတယ်။ သို့သော် ခေတ်နောက်ကျနေတဲ့ နည်းပညာက အချိန်နဲ့တစ်ပြေးညီ ပြိုင်ဆိုင်နိုင်စွမ်းနဲ့ ကမ္ဘာလုံးဆိုင်ရာ သတ်မှတ်ချက်များကို ဖြည့်ဆည်းနိုင်မှာမဟုတ်တဲ့အတွက် စိုးရိမ်စရာ ဖြစ်နေပါတယ်။ အဆင့်မြင့် ချစ်ပ်ထုတ်လုပ်မှုမှာ နည်းပညာနဲ့ အဆက်မပြတ် တီထွင်မှုက အရေးကြီးတဲ့အတွက် ဒီ Tool ရဲ့ အကန့်အသတ်တွေက ရုရှားရဲ့ နည်းပညာဆိုင်ရာ လုပ်ငန်းအောင်မြင်မှုကို အတားအဆီးဖြစ်စေနိုင်ပါတယ်။
Source: Tom's Hardware

Image: Alexander Shatov on Unsplash

Facebook မှ AI များကို သင်ကြားရန် User Content များကို အသုံးပြုမည်

Facebook ဟာ သူတို့ရဲ့ AI မော်ဒယ်တွေကို သင်ယူဖို့အတွက် အသုံးပြုသူတွေရဲ့ ပို့စ်တွေကို သုံးမယ်လို့ ကြေညာထားပါတယ်။ ဒါကို လူတွေက ရွေးချယ်ခွင့်ရှိပြီး မသုံးစွဲစေလိုက ငြင်းဆန်နိုင်တယ်လို့ဆိုပါတယ်။ ဒီလိုနဲ့ Facebook က လူတွေမျှဝေလိုက်တဲ့ စာသား၊ ပုံတွေ၊ ဗီဒီယိုတွေအပါအဝင် များပြားလှတဲ့ဒေတာတွေကို အသုံးပြုပြီး သူ့တို့ရဲ့ AI စနစ်တွေကို တိုးတက်စေချင်တာဖြစ်ပါတယ်။ ဒါက အကြံပြုတဲ့ အယ်လ်ဂိုရစ်သမ်တွေနဲ့ အထောက်အကူစနစ်တွေကို ပိုမိုတိုးတက်စေနိုင်တယ်။ ဒါပေမယ့် ဒီလိုလုပ်တာက လူတွေရဲ့ သီးသန့်ရှင်းလင်းမှုနဲ့ AI သင်ယူဖို့ ပုဂ္ဂလိကဒေတာတွေကို အသုံးပြုခြင်က Privacy ကိုအလေးထားတဲ့ User တွေရဲ့ မကျေနပ်မှုတွေကို ဖြစ်စေနိုင်ပါတယ်။
Source: TechSpot

Image: PlayStation

PC တွင်ထွက်ရှိလာမည့် God of War: Ragnarok

Sony ရဲ့ PlayStation State of Play May Showcase 2024 မှာ "God of War: Ragnarok" ကို 2024 ခုနှစ် စက်တင်ဘာလ ၁၉ ရက်နေ့မှာ PC အတွက် ဖြန့်ချိမယ်လို့ ကြေညာခဲ့ပါတယ်။ ဒီ PC ဗားရှင်းမှာ ပလက်ဖောင်းအသားပေးအထူးစွမ်းဆောင်ရည်တွေဖြစ်တဲ့ uncapped framerate၊ ultrawide အထောက်အပံ့တွေအပြင် Nvidia DLSS 3.7၊ AMD FSR 3.1 နဲ့ Intel XeSS 1.3 တို့ပါဝင်လာမှာဖြစ်ပါတယ်။ ဒါ့အပြင် PlayStation မူရင်းပိုင်ရှင်များအတွက် ဒါ့အပြင် Valhalla DLC လည်း ပါဝင်မှာပါ။

ဒါပေမဲ့လည်း "God of War: Ragnarok" ကို PC မှာ ဆော့ဖို့ PSN အကောင့်လိုအပ်ပါမယ်။ "Helldivers 2" မှာလည်း ဒီလိုလိုအပ်ချက်ကြောင့် ဝေဖန်မှုတွေမြင့်တက်ခဲ့ပြီး Sony ဘက်က အကောင့်လိုအပ်ချက်ကို ပယ်ဖျက်ပေးခဲ့ပါတယ်။ ဘယ်လိုဝေဖန်မှုတွေရှိနေပါစေ "Ragnarok" မှာတော့ ဒီလိုလိုအပ်ချက်ကို အမှန်တကယ် ပြန်လည်ပြုလုပ်လာမယ်လို့ ယုံကြည်ရပါတယ်။ State of Play အစီအစဉ်မှာ "God of War: Ragnarok" အပြင် PS5 ဂိမ်းအသစ်တွေ၊ PSV2 ဂိမ်းအသစ် ၂ ခုလည်း ကြေညာခဲ့ပါတယ်။
Source: TechSpot

AI အသားပေး ARM Cortex-X925 အသစ်သည် PC များတွင်ပါဝင်လာဖွယ်ရှိ

ARM က သူ့ရဲ့ နည်းပညာအသစ်ဖြစ်တဲ့ Cortex-X925 core ကို ထုတ်လုပ်လိုက်ပြီး AI နဲ့ PC ဘက်ကို ဦးတည်ထားပါတယ်။ Cortex-X925 ရဲ့ feature တွေကတော့ Multi-core Processing ကို မြှင့်တင်ပေးနိုင်ပြီး Data ကို ပိုမိုမြန်ဆန်စွာ ချိတ်ဆက်အသုံးပြုနိုင်စေမှာဖြစ်ပါတယ်။ ARM က Cortex-X925 ကို AI နည်းပညာနဲ့ ထိတွေ့နေတဲ့ PC အသုံးပြုသူများအတွက် အထူးကောင်းမွန်တဲ့ solution တစ်ခုအဖြစ် ရှုမြင်ထားတာပါ။ ဒီCore အသစ်ဟာ High-performance Computing ကို လိုအပ်တဲ့ PC တွေမှာလည်း အသုံးဝင်နိုင်ပြီး AI နည်းပညာကို ပိုမိုထိရောက်စွာ လုပ်ဆောင်နိုင်စေမှာဖြစ်ပါတယ်။ Cortex-X925 ဟာ PC နဲ့ AI နည်းပညာအတွက် နောက်ဆုံးပေါ် နည်းပညာဖြစ်ပြီး စွမ်းဆောင်ရည်မြင့်မားတဲ့ အတွေ့အကြုံကို ပေးစွမ်းနိုင်ပါတယ်။ ARM ဘက်ကတော့ AI နဲ့ PC မှာ အလွန်ကောင်းမွန်တဲ့ အနာဂတ်နည်းပညာအဖြစ် အထောက်အပံ့ပေးနိုင်လိမ့်မယ်လို့ မျှော်လင့်ထားပါတယ်။
Source: PCWorld

Image: Activision

Call of Duty: Black Ops 6 ကို စတင်ထွက်ရှိသည့်နေ့၌ Game Pass တွင် ကစားနိုင်မည်

Microsoft ဟာ Call of Duty: Black Ops 6 ကို ထွက်ရှိတဲ့နေ့ကတည်းက Game Pass မှာ ဆော့နိုင်မယ်လို့ တရားဝင်အတည်ပြုလိုက်ပါတယ်။ Call of Duty ဟာ ကမ္ဘာ့နာမည်အကြီးဆုံး ဂိမ်းစီးရီးတွေထဲက တစ်ခုဖြစ်ပြီး Microsoft ရဲ့ 2023 ခုနှစ်မှာ $68.7 ဘီလီယံနဲ့ ဝယ်ယူခဲ့တဲ့ Activision Blizzard အစီအစဉ်ထဲက လွန်စွာတန်ဖိုးရှိလှတဲ့ ပိုင်ဆိုင်မှုတစ်ခုလို့ဆိုနိုင်ပါတယ်။ ဒီအစီအစဥ်ကြောင့် Game Pass ကို Subscribe ပြုလုပ်သူတွေ သိသိသာသာတိုးတက်စေမှာ အသေချာပဲဖြစ်ပါတယ်။

Source: PC Gamer

#EnThueTech
#News