AMD မှ Computex 2024 တွင် Zen 5 အခြေခံ Ryzen 9000 CPU များနှင့် AM5 Chipsets အသစ်များကို ကြေညာ

Image: AMD

AMD က ထိုင်ပေမှာ ကျင်းပနေတဲ့ Computex 2024 ပွဲမှာ Zen 5 architecture အသုံးပြုထားတဲ့ Ryzen 9000 desktop CPU အသစ်တွေနဲ့ motherboard chipsets အသစ်တွေကို ထုတ်ဖော်ပြသလိုက်ပါတယ်။ ဒါ့အပြင် AM5 socket နဲ့ အရမ်းမိုက်တဲ့ AI feature တွေ ပါဝင်တဲ့ mobile chips တွေကိုလည်းပြသခဲ့ပါတယ်။

AMD ဟာ ကောလာဟလတွေအတိုင်း Zen 5 မှာ Ryzen 7000 series ကနေ 8000 series လို့အမည်ပေးရမဲ့အစား 9000 series အမည်ကို ခုန်ပျံကျော်လွှားအသုံးပြုလာပါတယ်။ Granite Ridge လို့ code name ပေးထားတဲ့ ဒီ CPU တွေဟာ AM5 socket ကိုအသုံးပြုမှာဖြစ်ကာ DDR5 နဲ့ PCIe 5.0 တွေကို အထောက်အပံ့ပေးမှာဖြစ်ပါတယ်။

ပြုပြင်ပြောင်းလဲမှုများစွာပြုလုပ်ထားသည့် Zen 5

AMD အနေနဲ့ သူတို့ရဲ့ Zen 5 architecture အကြောင်းအသေးစိတ်ကို ဖော်ပြခဲ့ခြင်းမရှိပေမယ့် သူတို့ရဲ့ core design တွေကို ကြီးကြီးမားမားပြောင်းလဲမှုတွေပြုလုပ်ထားတယ်လို့ဆိုပါတယ်။

Image: AMD

Image: AMD

Zen 5 မှာ branch prediction တိုးတက်လာခြင်း၊ pipeline တွေပိုကျယ်ပြန့်လာခြင်းနဲ့ window sizes တွေပို Deep ဖြစ်လာပြီး Zen 4 နဲ့ နှိုင်းယှဉ်မယ်ဆိုရင် instruction bandwidth နှစ်ဆ၊ data bandwidth နှစ်ဆနဲ့ AVX512 throughput နှစ်ဆ ရှိတယ်လို့ ဆိုပါတယ်။

Image: AMD

ဒါဟာ Zen 5 အနေနဲ့ Zen 4 ထက် Geomean အရ IPC ၁၆%တိုးတက်မှုကို ပေးနိုင်တယ်လို့ ဆိုပါတယ်။

Performance နဲ့ Specifications

Zen 5 ဟာ IPC မှာအရမ်းတိုးတက်လာတယ်ဆိုပေမယ့် clock speed တွေက Zen 4 နဲ့ ဆင်တူမှာပါ။ Flagship ဖြစ်တဲ့ Ryzen 9 9950X ဟာ 5.7 GHz boost clock ရှိပြီး Ryzen 9 7950X နဲ့အတူတူဖြစ်တာမို့ စွမ်းဆောင်ရည်တိုးတက်မှုအများစုက architectural ပိုင်းအပြောင်းအလဲတွေကနေလာမှာဖြစ်ပါတယ်။

Image: AMD

Zen 5 မှာ Clock Speed တိုးတက်လာခြင်းမရှိရတဲ့အကြောင်းအရင်းက Zen 4 နဲ့ ဆင်တူတဲ့ TSMC 4nm နည်းပညာကို အသုံးပြုထားတာကြောင့်ပဲဖြစ်ပါတယ်။

Image: AMD

Ryzen 9000 lineup မှာ

• 16-core Ryzen 9 9950X

• 12-core Ryzen 9 9900X

• 8-core Ryzen 9 9700X

• 6-core Ryzen 5 9600X တို့ပါဝင်ပါတယ်။
  

AMD ဟာ Zen 5 CPU တွေရဲ့ TDP တွေကိုလည်း ပြောင်းလဲထားပြီး 9950X က 170W၊ 9900X က 120W (ယခင် 170W) နဲ့ 9700X နဲ့ 9600X တို့က 65W (ယခင် 105W) ဖြစ်ပါတယ်။ Ryzen 9000 တွေကို ဇူလိုင်မှာ စတင်ဝယ်ယူနိုင်မှာဖြစ်ပြီး စျေးနှုန်းကိုတော့ မသိရသေးပါဘူး။

စွမ်းဆောင်ရည် နှင့် Benchmark များ

AMD အနေနဲ့ စွမ်းဆောင်ရည်တွေအကြောင်းကို များများစားစားထုတ်ဖော်ပြသခဲ့ခြင်းမရှိပေမယ့် Ryzen 9 9950X ကို Intel Core i9-14900K နဲ့ နှိုင်းယှဉ်ချက်အချို့ကို ပြသထားပါတယ်။

Image: AMD

Cinebench R24 မှာဆိုရင် Ryzen 9 9950X ဟာ ၂၁% သာလွန်ပြီး Blender မှာတော့ ၅၆% သာလွန်တယ်လို့ ဆိုပါတယ်။ Gaming performance မှာလည်း ဂိမ်း ၆ခုမှာပျမ်းမျှ ၁၃% တိုးတက်မှုရှိလာတယ်လို့ ဆိုပါတယ်။

AM5 Platform နှင့် Chipsets အသစ်များ

AMD ဘက်က AM5 platform ရဲ့ သက်တမ်းကို ၂၀၂၇ခုနှစ်နဲ့နောက်ပိုင်းအထိ သက်တမ်းတိုးပြီး အထောက်အပံ့ပေးမယ်လို့ အာမခံထားပါတယ်။ ယခင်က ၂၀၂၅ခုနှစ်နောက်ပိုင်းအထိလို့သာပြောဆိုခဲ့တာပါ။ ဒါပေမယ့် Zen 6 architecture အတွက် ထောက်ပံ့မှုကို အသေအချာပြောကြားမှု မရှိသေးပါဘူး။

Image: AMD

ဒါကြောင့် AM5 ကို ၂၀၂၇ခုနှစ်နဲ့နောက်ပိုင်းအထိ အထောက်အပံ့ပေးမယ်ဆိုပေမယ့် Zen 6 မော်ဒယ်တွေအစား refresh လုပ်ထားတဲ့ Zen 5 CPU တွေသာဖြစ်ဖွယ်ရှိပါတယ်။

AM5 Platform နဲ့ အတူ AMD ဟာ 800 series chipsets အသစ်တွေဖြစ်တဲ့ X870 နဲ့ X870E တွေကိုကြေညာခဲ့ပြီး 700 series ကို ကျော်လွှားအသုံးပြုသွားခဲ့ပါတယ်။ X870 နဲ့ X870E chipsets အသစ် အသုံးပြုထားတဲ့ Motherboard တွေမှာ USB4 ကို စံနှုန်းအဖြစ်ထည့်သွင်းထားကာ graphics နဲ့ storage ပိုင်းအတွက်က PCIe 5.0 ကို စံနှုန်းအဖြစ်ထည့်သွင်းထားပါတယ်။

Image: AMD

Memory frequency အထောက်အပံ့ကိုလည်း EXPO ကတဆင့် တိုးမြင့်ရရှိမှာဖြစ်ပါတယ်။ ဘယ်လောက်အထိရရှိမလဲဆိုတာတော့ စောင့်ကြည့်သွားရမှာဖြစ်ပါတယ်။ X870 နဲ့ X870E ဘုတ်အသစ်တွေဟာ Zen 4 အခြေခံ Ryzen 7000 နဲ့ Ryzen 8000 CPU တွေကို backwards compatible ဖြစ်မှာဖြစ်သလို Ryzen 9000 CPU တွေကို out of the box အနေအထားနဲ့ အထောက်အပံ့ပေးမှာပါ။ လက်ရှိ 600 series motherboard တွေကတော့ Ryzen 9000 CPU တွေကို BIOS update ကတဆင့် အထောက်အပံ့ပေးမှာပါ။

AM4 အတွက် Ryzen 9 5900XT နှင့် Ryzen 7 5800XT

AMD ဟာ AM4 အတွက် Ryzen 9 5000XT series တွေဖြစ်တဲ့ Ryzen 9 5900XT နဲ့ Ryzen 7 5800XTကိုလည်း ကြေညာခဲ့ပြီး $360 နဲ့ $250 အသီသီးရှိမှာဖြစ်ကာ ဇူလိုင်လမှာဝယ်ယူနိုင်မယ်လို့ဆိုပါတယ်။

Image: AMD

5800XT က 5800X ထက် clock speed 100 MHz ပိုများတဲ့ CPU ဖြစ်ပြီး 5900XTကတော့ Ryzen 9 5950X ကို clock speed 100 MHz လျော့ချထားတာလို့ဆိုနိုင်ပါတယ်။

Image: AMD

5900 လို့ အမည်တပ်ထားပေမယ့် တကယ်တမ်း 5900XT ဟာ 16-core CPU သာဖြစ်ပါတယ်။

Mobile Chips နှင့် AI ပေါင်းစပ်မှု

AMD ဟာ Computex 2024 မှာ Strix Point နဲ့ သူ့မှာပါဝင်လာတဲ့ AI capabilities အသစ်တွေအကြောင်းကိုသာ အသားပေးပြောဆိုသွားပါတယ်။

Image: AMD

AI ပိုင်းမှာဆိုရင် AMD အနေနဲ့ mobile ချစ်ပ်အသစ်တွေကို brand name ပြောင်းလဲပြီး Ryzen AI 300 series အဖြစ်အမည်ပြောင်းလိုက်ပါတယ်။ ဆိုလိုတာက Ryzen 8000 APUs ကနေ Ryzen AI 300 အဖြစ်ပြောင်းလဲသွားမှာဖြစ်ကာ အမည်ပေးပုံက Intel နဲ့ ဆင်တူလာပါတယ်။

Image: AMD

Image: AMD

အခု Mobile chips တွေမှာ Zen 5 CPU cores၊ RDNA 3.5 graphics နဲ့ 50 TOPS performance ရှိတဲ့ NPU အသစ်ပါဝင်မှာပါ။

Image: AMD

ချစ်ပ်အသစ်တွေရဲ့ အမည်တွေက Ryzen AI 9 HX 370 နဲ့ Ryzen AI 9 365 တို့ဖြစ်နေတာကြောင့် ခေါ်ရတာတော့ နည်းနည်းထောက်နေပါလိမ့်မယ်။

Image: AMD

Image: AMD

AMD ဘက်ကတော့ Ryzen 9 AI HX 370 က Qualcomm Snapdragon X Elite၊ Apple M3 နဲ့ Intel Core Ultra 185H တို့ထက် စွမ်းဆောင်ရည်ပိုကောင်းတယ်လို့ဆိုထားပါတယ်။

Image: AMD

ဒီပွဲမှာ Radeon Graphics ပိုင်းအနေနဲ့ RDNA 4 အကြောင်း လုံးဝပြောကြားခဲ့ခြင်းမရှိပဲ ဒီနှစ်နောက်ပိုင်းမှသာ ကြေညာမယ်လို့ယူဆရပါတယ် ဒါကြောင့် ဒီနှစ်ထဲ RDNA 4 GPU တွေမြင်ရဖွယ်မရှိသေးပါဘူး။ Radeon နဲ့သက်ဆိုင်တာဆိုလို့ Radeon W7900 ရဲ့ မျိုးကွဲဖြစ်တဲ့ Radeon Pro W7900 ကိုကြေညာခဲ့ပြီး ပိုမိုကျစ်လစ်ကာ စျေးအနည်းငယ်သက်သာလာတယ်လို့ဆိုပါတယ်။

AMD ရဲ့ Computex 2024 ကြေညာချက်တွေဟာ desktop နဲ့ mobile computing နယ်ပယ်အတွက် ကောင်းမွန်တဲ့နှစ်တစ်ခုလို့ဆိုနိုင်ပြီး သဘောကျစရာပါ။ Ryzen 9000 series မှာ အသုံးပြုလာမယ့် Zen 5 architecture ဟာ တိုးတက်မြင့်မားလာတဲ့ IPC နဲ့ ကောင်းမွန်တဲ့ performance ပေးနိုင်မှာပါ။ X870 motherboards နဲ့ ပတ်သက်တဲ့ အသေးစိတ်တွေကို လာမယ့်ရက်ပိုင်းအတွင်း နိုင်ငံတကာက အင်တာနက်စာမျက်နှာတွေမှာမြင်တွေ့နိုင်မှာ ဖြစ်ပါတယ်။

Source: AMD and TechSpot

#EnThueTech
#News
#AI