Nvidia က အမေရိကန်ချစ်ပ်ထုတ်လုပ်ရေးတွင် ဒေါ်လာဘီလီယံပေါင်းများစွာ ရင်းနှီးမြှုပ်နှံသွားမည်

Image: Jeff Chiu/AP

ကမ္ဘာ့အကြီးဆုံး ကွန်ပျူတာချစ်ပ်ဖန်တီးတဲ့ Nvidia က လာမယ့် လေးနှစ်အတွင်း အမေရိကန်မှာ ဆီမီးကွန်ဒတ်တာတွေနဲ့ တခြား အီလက်ထရွန်နစ်ပစ္စည်းတွေ ထုတ်လုပ်ဖို့ ဒေါ်လာ "ဘီလီယံပေါင်း ရာချီ" ရင်းနှီးမြှုပ်နှံသွားမယ်လို့ ကတိပေးလိုက်ပါတယ်။

Jensen Huang ရဲ့ ဒီမှတ်ချက်တွေက အာရှကနေ ထောက်ပံ့ရေးကွင်းဆက်ကိုရွေ့ဆိုင်းဖို့နဲ့ သမ္မတဒေါ်နယ်ထရမ့်ရဲ့ မတည်ငြိမ်တဲ့ အခွန်မူဝါဒ ခြိမ်းခြောက်မှုတွေအကြားမှာ ကယ်လီဖိုးနီးယားအခြေစိုက် AI ချစ်ပ်ထုတ်လုပ်သူအနေနဲ့ မဟာဗျူဟာပြောင်းလဲမှုတွေကို ပြသနေပါတယ်။

Nvidia ကို ပူးတွဲတည်ထောင်သူလည်းဖြစ်တဲ့ အမှုဆောင်အရာရှိချုပ် Jensen Huang က Financial Times ကို ပြောကြားရာမှာ "လာမယ့် လေးနှစ်အတွင်းမှာ အီလက်ထရွန်နစ်ပစ္စည်းတွေ စုစုပေါင်း ဒေါ်လာ ထရီလီယံဝက်လောက် ဝယ်ယူသွားမှာပါ။ အဲဒီထဲက ဒေါ်လာ ဘီလီယံပေါင်းပေါင်းရာချီ အမေရိကန်မှာ ထုတ်လုပ်နိုင်မယ်လို့ ကျွန်တော်တို့ ယူဆပါတယ်" လို့ သူကဆိုပါတယ်။

ဒီမှတ်ချက်တွေက Trump ရဲ့ "အမေရိကန် ဦးစားပေး" မူဝါဒကြောင့် စီးပွားရေး ရင်းနှီးမြှုပ်နှံမှုအပေါ် ဘယ်လို သက်ရောက်မှုရှိလဲဆိုတာကို ပြသနေတဲ့ နောက်ဆုံး ဥပမာတစ်ခုပါ။ ကမ္ဘာ့တန်ဖိုးအကြီးဆုံးကုမ္ပဏီတွေထဲက တစ်ခုဖြစ်တဲ့ Nvidia လို အဖွဲ့အစည်းတွေကိုတောင် သူတို့ရဲ့ ကမ္ဘာလုံးဆိုင်ရာလုပ်ငန်းတွေကို ပြန်လည်သုံးသပ်ဖို့ တွန်းအားပေးနေပါတယ်။

၁၉၉၃ ခုနှစ် က Silicon Valley မှာ စတင်တည်ထောင်ခဲ့တဲ့ ကုမ္ပဏီဟာ AI စျေးကွက်ရဲ့ အဓိကမောင်းနှင်အားဖြစ်ပြီး နည်းပညာအပေါ်စိတ်ပါဝင်စားမှုမြင့်မားလာတာကြောင့် ၎င်းရဲ့ တန်ဖိုးကို ဒေါ်လာ ၂.၉ ထရီလီယံ (ပေါင် ၂.၂ ထရီလီယံ) အထိ မြှင့်တက်လာခဲ့ပါတယ်။ ဒါပေမဲ့ မကြာသေးမီနှစ်တွေမှာ ၎င်းနဲ့ Apple လို တခြား အမေရိကန် နည်းပညာ ကုမ္ပဏီကြီးတွေဟာ TSMC နဲ့ Foxconn တို့က လုပ်ကိုင်တဲ့ ထိုင်ဝမ်က ချစ်ပ်ထုတ်လုပ်ရေး စက်ရုံတွေအပေါ် ပိုမို မှီခိုလာကြပါတယ်။ အခုတော့ ဒီထောက်ပံ့ရေးကွင်းဆက်ဟာ ကုန်သွယ်ရေး စစ်ပွဲတွေအပြင် တရုတ်နိုင်ငံရဲ့ ထိုင်ဝမ်ကျွန်းကို သိမ်းပိုက်လိုမှုတွေကြောင့် ခြိမ်းခြောက်ခံနေရပါတယ်။

Huang က ထိုင်ဝမ်မှာ အခြေအနေ ပိုဆိုးလာရင်တောင် Nvidia က ကောင်းကောင်း ရင်ဆိုင်နိုင်မယ်လို့ ယုံကြည်ကြောင်း ပြောတယ်။ ထိုင်ဝမ်က ငလျင်ဒဏ်လည်း ခံရနိုင်သေးတယ်လေ။ "အခုအချိန်မှာ ကျွန်တော်တို့က အမေရိကန်မှာ ထုတ်လုပ်နိုင်တယ်ဆိုတာ သိထားပြီးပြီ။ ကျွန်တော်တို့ရဲ့ ထောက်ပံ့ရေးကွင်းဆက်ကိုလည်း လုံလောက်အောင် ဖြန့်ကျက်ထားပြီးသားပါ" လို့ ပြောကြားခဲ့ပါတယ်။

ဒါ့အပြင် တရုတ်နိုင်ငံရဲ့ ပြိုင်ဆိုင်မှု တိုးလာတဲ့အချိန်မှာ ထရမ့်ပ် အစိုးရမှာ အမေရိကန် AI လုပ်ငန်းကို ထောက်ပံ့နိုင်မယ့်အနေအထား ရှိနိုင်ကြောင်း သူက ထပ်မံပြောဆိုခဲ့ပါတယ်။

ဥပမာအားဖြင့် Huawei က "တရုတ်နိုင်ငံရဲ့ အင်အားအကြီးဆုံး နည်းပညာကုမ္ပဏီတစ်ခု" ဖြစ်လာပြီး "သူတို့ ပါဝင်တဲ့ စျေးကွက်တိုင်းကို အနိုင်ယူခဲ့တယ်" လို့ Huang က ပြောတယ်။ အမေရိကန်အနေနဲ့ Huawei အပေါ်ပိတ်ဆို့အရေးယူမှုအားနည်းခဲ့တာကြောင့် ကုမ္ပဏီအနေနဲ့ ဆက်လက်အောင်မြင်နေပါတယ်" လို့ သူက ဝေဖန်ခဲ့ပါတယ်။

လက်ရှိမှာ "ဒီလုပ်ငန်းအောင်မြင်မှုကို ဦးစားပေးပြီး စွမ်းအင်ကဏ္ဍက အတားအဆီး မဖြစ်အောင် ပံ့ပိုးပေးမယ့် အစိုးရတစ်ရပ် ရှိနေတာက အမေရိကန်ရဲ့ AI ကဏ္ဍအတွက် အံ့မခန်းရလဒ်တစ်ခုပါ" လို့ Huang က ပြောကြားခဲ့ပြီး ဒေတာစင်တာတွေမှာ သူတို့ရဲ့ ချစ်ပ်တွေကို စွမ်းအင်ပေးဖို့ လိုအပ်တဲ့ လျှပ်စစ်ဓာတ်အား အများအပြားကို ရည်ညွှန်း ပြောကြားခဲ့ပါတယ်။

အမေရိကန်ပြည်တွင်းမှာ ချစ်ပ်ထုတ်လုပ်မှုကို ပြန်လည်လုပ်ဆောင်ဖို့ ကြိုးပမ်းမှုတွေကို TSMC ရဲ့ မကြာသေးမီက ဒေါ်လာ ၁၀၀ ဘီလီယံ ရင်းနှီးမြှုပ်နှံမှုက အကူအညီပေးခဲ့ပါတယ်။ ထိုင်ဝမ် ဆီမီးကွန်ဒတ်တာကုမ္ပဏီရဲ့ ရင်းနှီးမြှုပ်နှံမှုက Nvidia ရဲ့ ထိပ်တန်း GPU ဖြစ်တဲ့ Blackwell ချစ်ပ်တွေကို အမေရိကန်မှာ ထုတ်လုပ်နေတယ်ဆိုတာကို ဆိုလိုပြီး "ကျွန်တော်တို့ရဲ့ ထောက်ပံ့ရေးကွင်းဆက် ကြံ့ခိုင်မှုမှာ သိသာထင်ရှားတဲ့ တိုးတက်မှုကို ပေးစွမ်းပါတယ်" လို့ ဆိုပါတယ်။

Source: The Guardian