Qualcomm က Intel နှင့် AMD ကို ယှဉ်ပြိုင်ရန်အတွက် Handheld Gaming PC ချစ်ပ်အသစ်များ မိတ်ဆက်

Image: Qualcomm

Qualcomm က လက်ကိုင်ဂိမ်းစက်တွေအတွက် ရည်ရွယ်တဲ့ ဂိမ်းဆော့တဲ့ ချစ်ပ်အသစ် သုံးခုနဲ့ သူတို့ရဲ့ Snapdragon G စီးရီးကို ချဲ့ထွင်လိုက်ပါတယ်။ ဒီ ချစ်ပ် ၃ခုကတော့ Snapdragon G3 Gen 3၊ Snapdragon G2 Gen 2 နဲ့ Snapdragon G1 Gen 2 တို့ဖြစ်ပြီး Ayaneo၊ OneXPlayer နဲ့ Retroid Pocket တို့လို OEM တွေရဲ့ မျိုးဆက်သစ်ထုတ်ကုန် တွေမှာ အသုံးပြုလာမှာပါ။

Image: Qualcomm

အဆင့်အမြင့်ဆုံးဖြစ်တဲ့ Snapdragon G3 Gen 3 မှာ Prime Core တစ်ခု၊ Performance Core ငါးခုနဲ့ Efficiency Core နှစ်ခုပါဝင်တဲ့ octa-core Kryo CPU ဖြစ်ပြီး ray tracing အထောက်အပံ့ပါတဲ့ Adreno A32 GPU လည်းပါဝင်ပါတယ်။ Qualcomm က Snapdragon G3 Gen 3 ဟာ ၂၀၂၃ခုနှစ်ကထွက်ရှိခဲ့တဲ့ ယခင်မျိုးဆက် Snapdragon G3x Gen 2 ထက်  CPU စွမ်းဆောင်ရည် 30% ပိုမိုကောင်းမွန်ပြီး  GPU စွမ်းဆောင်ရည် 28% ပိုမိုကောင်းမွန်တယ်လို့ ဆိုပါတယ်။

Feature တွေနဲ့ ပတ်သက်ပြီး Snapdragon G3 Gen 3 ဟာဆိုရင် Unreal Engine 5 ရဲ့ fully dynamic global illumination နဲ့ reflections စနစ်ဖြစ်တဲ့ Lumen ကို အသုံးချနိုင်တဲ့ Qualcomm ရဲ့ ပထမဆုံး G-series ချစ်ပ်ပါ။ ဒီချစ်ပ်မှာ ယခင်မျိုးဆက်က FastConnect 7800 module ကို ဆက်လက်ထိန်းသိမ်းထားပြီး Wi-Fi 7 နဲ့ Bluetooth 5.3 အထောက်အပံ့ပေးပါတယ်။ ဒါပေမဲ့ အဆင့်မြှင့်တင်ထားတဲ့ Adreno A32 GPU က Clock Speed ပိုမြင့်မားတာကြောင့် Snapdragon G3 Gen 3 ဟာ Snapdragon G3x Gen 2 ထက် QHD+ 144 Hz အထိ ပိုမြင့်တဲ့ resolution ကို အထောက်အပံ့ပေးနိုင်လာပါတယ်။

Image: Ayaneo

Image: Ayaneo

Image: OneXPlayer

Snapdragon G3 Gen 3 ကို အသစ်ထွက်ရှိလာမယ့် Ayaneo Pocket S2၊ Ayaneo Gaming Pad နဲ့ the OneXPlayer OneXSugar တို့မှာ အသုံးပြုလာမယ်လို့သိရပါတယ်။

Image: Qualcomm

Snapdragon G2 Gen 2 ကတော့ ယခင် Snapdragon G2 Gen 1 ကို အစားထိုးမှာပါ။ ပုံမှန်အတိုင်း ချစ်ပ်အသစ်က octa-core Kryo CPU ကို ဆက်လက်အသုံးပြုထားပေမယ့် ဖွဲ့စည်းပုံကတော့ ကွဲပြားသွားပါတယ်။ Core ဖွဲ့စည်းပုံက Prime Core တစ်ခု၊ Performance Core လေးခုနဲ့ Efficiency Core သုံးခု ဆိုပြီး ပြောင်းလဲသွားတာဖြစ်ပါတယ်။ Qualcomm ဘက်ကတော့ CPU စွမ်းဆောင်ရည်ဟာ Snapdragon G2 Gen 1 ထက် ၂.၃ ဆ ပိုမြင့်တယ်လို့ ဆိုပါတယ်။

Qualcomm က Snapdragon G2 Gen 2 GPU ကိုလည်း Adreno A21 အစား Adreno A22 ကို အဆင့်မြှင့်တင်ပေးထားပါတယ်။ ကုမ္ပဏီက သုံးစွဲသူတွေအနေနဲ့ ဂရပ်ဖစ်စွမ်းဆောင်ရည်မှာ ၃.၈ဆ အထိ တိုးလာတာကို မျှော်လင့်ထားနိုင်တယ်လို့ ဆိုထားပါတယ်။ ဒီအဆင့်မြှင့်တင်မှုကြောင့် Snapdragon G2 Gen 1 မှာ FHD+ ကိုသာအထောက်အပံ့ပေးနိုင်ခဲ့ပေမယ့် အခုဆိုရင် QHD+ အထိ မြှင့်တင်အသုံးပြုနိုင်ပါတယ်။

Image: Retroid Pocket

Snapdragon G2 Gen 2 ကို Retroid Pocket 6 မှာ အသုံးပြုလာဖွယ်ရှိတယ်လို့ ယူဆရပါတယ်။

Image: Qualcomm

Qualcomm ရဲ့ Snapdragon Game Super Resolution နဲ့ Adreno Frame Motion Engine 2.0 နည်းပညာတွေကို Snapdragon G3 Gen 3 နဲ့ Snapdragon G2 Gen 2 တို့မှာသာ အထောက်အပံ့ပေးတယ်လို့သိရပါတယ်။

Image: Qualcomm

နောက်ဆုံး Snapdragon G စီးရီးချစ်ပ်တစ်ခုဖြစ်တဲ့ Snapdragon G1 Gen 2 ဟာလည်း   အလားတူ သိသာထင်ရှားတဲ့ Qualcomm ရဲ့ အဆင့်မြှင့်တင်မှုကို ရရှိထားပါတယ်။ octa-core Kryo CPU မှာ Performance Core နှစ်ခုနဲ့ Efficiency Core ခြောက်ခု ပါဝင်ပါတယ်။ Core ဖွဲ့စည်းပုံအသစ်အရ CPU စွမ်းဆောင်ရည်ကို ၈၀% ပိုကောင်းလာစေမယ်လို့ဆိုပါတယ်။ တစ်ချိန်တည်းမှာပဲ အသစ်ပါဝင်လာတဲ့ Adreno A12 GPU က ယခင်မျိုးဆက် Adreno A11 ထက် တိုးတက်မှု ၂၅% ရှိမှာပါ။ Snapdragon G1 Gen 1 မှာတုန်းက 1080p 60 Hz သာရနိုင်ခဲ့ပေမယ့် Snapdragon G1 Gen 2 မှာတော့ FHD+ 120 Hz အထောက်အပံ့ရရှိလာပါတယ်။

Image: Retroid Pocket

Snapdragon G2 Gen 1 ကို Game Boy ပုံစံဂိမ်းစက်တစ်ခုဖြစ်တဲ့ Retroid Pocket Classic မှာ အသုံးပြုလာလိမ့်မယ်လို့သိရပါတယ်။

Source: Tom's Hardware