Taiwan Semiconductor Manufacturing Company Ltd (TSMC) ရဲ့ Fab 14 B မှာ ဓာတုအကြွင်းအကျန်တွေတွေ့ရှိခဲ့ပြီး အဆိုပါအကြွင်းအကျန်တွေကြောင့် အနည်းဆုံး silicon wafer တစ်သောင်းခန့်ဟာ အနာအဆာရှိနေခဲ့တယ်လို့ ထိုင်ဝမ်သတင်းဆိုက်တစ်ခုဖြစ်တဲ့ ETtodayက အစီရင်ခံခဲ့ပါတယ်။
TSMC ကိုရင်းနှီးပြီးသား hardware enthusiast တွေအတော်များများအနေနဲ့ ဒီဂယက်က ပြဿနာတွေဖြစ်လာနိုင်တယ်ဆိုတာ နားလည်ပြီးသားဖြစ်ပါတယ်။ အခြားသူတွေအတွက်ဆိုရရင်ဖြင့် semiconductor တွေဟာ silicon waferတွေကမှတစ်ဆင့်ပြုလုပ်ထားတာဖြစ်ပြီး လုံလောက်တဲ့ silicon wafer များမရရှိပါက graphics card၊ cpu နဲ့ console တွေ ပစ္စည်းပြတ်လပ်တာတွေ စျေးနှုန်းမြင့်မားတာတွေကြုံလာနိုင်တဲ့အခြေအနေတွေဖြစ်လာပါလိမ့်မယ်။
ယခုအနာအဆာရှိတဲ့ silicon wafer တွေဟာ 12nm နဲ့ 16nm wafer တွေဖြစ်တယ်လို့သိရပါတယ်။ Nvidia ဟာ သူ့တို့ရဲ့ Pascal(GTX 1000 series) နဲ့ Turing (RTX 2000 series)GPU တွေပြုလုပ်ဖို့ အဆိုပါwaferများကို မှီခိုနေရတာပါ။ AMD ကလဲ PS4 နဲ့ Xbox One X အတွက် chip တွေထုတ်လုပ်ရာမှာမှီခိုနေရပြီး အခြားသော Huawai Mediatek တို့ကလဲ မှီခိုနေရပါတယ်။ ဒါပေမဲ့ GPU အသစ် Radeon 7 လို7nm product တွေကိုတော့ထိခိုက်စေမှာမဟုတ်ပါဘူး။
Fabrication ကုမ္မဏီတွေအနေနဲ့ လုံလောက်တဲ့wafer တွေရရှိဖို့ အသည်းအသန်ကြိုးစားနေရပါတယ်။ ဒီလို wafer တွေချို့ယွင်းမှု ထုတ်လုပ်မှုကြန့်ကြာမှုတွေက မကောင်းတဲ့အခြေအနေပါ။ ဆိုးရွားစွာထိခိုက်တာမဟုတ်ပေမဲ့ ကြန့်ကြာမှုတွေက ဘယ်လိုပဲဖြစ်စေ ပြဿနာတော့ဖြစ်လာနိုင်ပါတယ်။
ဓာတုအကြွင်းအကျန်ကြောင့် ဒီလို wafer တစ်သောင်းခန့် ချို့ယွင်းသွားတာကို TSMC site မှာ ဘာမှထုတ်ပြန်ခြင်းမရှိပေမဲ့ ETtodayရဲ့ တင်ပြချက်ကိုတော့ အတည်ပြုခဲ့ပါတယ်။ TSMC ရဲ့ Fab 14 အနေနဲ့ တစ်လကို wafer တစ်သိန်းခန့်ပြုလုပ်ပေးနေတယ်လို့ သိရပေမဲ့ Fab 14 B သီးသန့်အနေဖြင့် ဘယ်လောက်ထုတ်ပေးနိုင်တယ်ဆိုတာတော့ ရေရာစွာမသိရပါဘူး။
အကယ် TSMC အနေနဲ့ ချို့ယွင်းချက်တွေကို လျင်မြန်စွာပြင်ဆင်နိုင်ခဲ့ရင်တောင်မှ wafer တစ်သောင်းခန့် စွန့်ပစ်ရဖွယ်ရှိပြီး ထုတ်လုပ်မှု ၃ရက်ခန့်နောက်ကျသွားနိုင်တယ်လို့သိရပါတယ်။
Translated by Ae Mon Min Han
En Thue Tech
Source: Tom's Hardware
#EnThueTech
#News #Fabrication #TSMC
.webp)
0 Comments