အသစ်ထွက် Intel B560 Motherboard များတွင် DDR4 Memory Overclocking လုပ်နိုင်တော့မည်လော

Intel Z590 - B560 and H510 chipset for motherboard logos/ Videocardz

မိမိPCရဲ့ စွမ်းဆောင်ရည်ကို အမြင့်ဆုံးဆွဲတင်ဖို့လိုအပ်လာချိန် အထူးသဖြင့်ဂိမ်းကစားနေချိန်မှာ Memory စွမ်းဆောင်ရည်ဟာအရေးပါလာတယ်။

B560 နှင့်အတူ နောက်ဆုံးမှာ Intel ဟာ ယခင် mid-range chipsets တွေရဲ့အားနည်းချက်ဖြစ်တဲ့ memory overclockingမလုပ်နိုင်ခြင်းကို ဖြေရှင်းတော့မယ်လို့ယူဆရပါတယ်။ ယခင်က B-series chipsets တွေဟာ DDR4 memory speeds ကို 2666MHz နဲ့ 2933MHz လောက်သာ အထောက်အပံ့ပေးခဲ့ပါတယ်။ ပိုမိုမြန်ဆန်တဲ့ DDR4 memory modules တွေစျေးသက်သာလာတဲ့အခါ B-series chipsets တွေရဲ့ စွမ်းဆောင်ရည်ဟာ ကန့်သတ်ခံထားရသလိုဖြစ်နေခဲ့ပါတယ်။

ခေတ်ပေါ် gaming PCတွေမှာ ပိုမိုများပြားလာတဲ့ core တွေနဲ့အတူဂိမ်းတွေရဲ့ လိုအပ်ချက်တွေ များပြားလာတာကြောင့် Memory စွမ်းဆောင်ရည်ဟာလည်းအရေးပါလာတယ်။အကယ်၍ core အရေအတွက်များမြင့်တက်လာပြီး memory performance မတိုးတက်လာပါက CPUတွေ ဟာ bottleneck ဖြစ်လာမှာပါ။ ဒါကြောင့် CPU core အရေအတွက်ပိုမိုမြင့်မားလာတဲ့အခါ memory ကိုမြန်နှုန်းတိုးမြှင့်ပေးရခြင်းဖြစ်ပါတယ်။

Intel CPUတွေမှာ core အရေအတွက်များပြားလာခြင်းက bottleneck မဖြစ်ရလေအောင် B-series chipsets တွေရဲ့ memory speed ကန့်သတ်ထားခြင်းကိုဖြေလျော့ဖို့လိုအပ်လာပါတယ်။ အဆိုပါပြဿနာကို B560 မှာ XMP Profile ထည့်သွင်းကာ ဖြေရှင်းသွားမှာဖြစ်ပြီး ဘက်ဂျက်အသားပေး H510 chipset မှာတော့ memory speed limit ဖြစ်နေဦးမှာပါ။

Source: OC3D, Videocardz and @pm_burowietz

#EnThueTech
#News