EA ၏ Kernel-Level Anti-Cheat စနစ်ကို PC တွင်အသုံးပြုမည်ဖြစ်ကာ FIFA 23 ဖြင့်ပွဲဦးထွက်လာမည်

Image: EA

Electronic Arts (EA) ဟာ သူတို့ရဲ့ကိုယ်ပိုင် EA AntiCheat(EAAC) ကိုကြေညာလိုက်ပြီး kernel အဆင့်ဖြစ်တဲ့အတွက် Cheater တွေအတွက်သတင်းဆိုးဖြစ်စေမယ်လို့ဆိုပါတယ်။ EA ရဲ့ Game Security နဲ့ Anti-Cheat စီနီယာဒါရိုက်တာဖြစ်သူ Elise Murphy က EAAC ရဲ့ ဆောင်ရွက်ပုံနဲ့ပတ်သက်ပြီး အာမခံချက်များစွာပေးထားကာ အဆိုပါနည်းပညာနဲ့ပတ်သက်ပြီး ရှည်လျားတဲ့ FAQ နဲ့ Blog ကိုထုတ်ပြန်ခဲ့ပါတယ်။ EAAC ကို ဒီလကုန်မှာ FIFA 23 နဲ့အတူပွဲဦးထွက်ပြသမှာဖြစ်ပါတယ်။

EAAC ကိုမိတ်ဆက်ချိန်မှာ "ကစားသမားအားလုံးအတွက် လုံခြုံပြီး တရားမျှတတဲ့ခံစားမှုကိုပေးစွမ်းဖို့ ဖန်တီးထားတာဖြစ်ကြောင်း" Murphy က အာမခံခဲ့ပါတယ်။ ၂၀၂၂ခုနှစ်ရဲ့ PC ဂိမ်းနယ်ပယ်မှာဆိုရင် competitive ဂိမ်းတွေအတွက် မျှမျှတတယှဉ်ပြိုင်နိုင်စွမ်းကိုဖန်တီးဖို့ရာ Kernel အဆင့်ကာကွယ်မှုမရှိမဖြစ်လိုအပ်လာခဲ့တယ်လို့ EA ကဆိုထားပါတယ်။ Cheat ရေးသားတဲ့ developer တွေဟာ ပုံမှန်anti-cheat တွေမသိနိုင်အောင် kernel ကိုရွေ့ပြောင်းလာတဲ့အတွက် စစ်လက်နက်ပြိုင်ဆိုင်သလို EA ရဲ့ ဗျူဟာကိုပြောင်းလဲဖို့လိုအပ်လာပါတယ်။

EA ရဲ့ anti-cheat စနစ်အသစ်ဟာ anti-cheat အတွက်လိုအပ်သလောက်သာစောင့်ကြည့်နေမှာဖြစ်ပြီး process တစ်ခုဟာ EAAC ကိုတုန့်ပြန်ဖို့ကြိုးပမ်းလာရင်တော့ တုန့်ပြန်မှုကိုတွေ့ရမယ်လို့ဆိုပါတယ်။

EAAC ရဲ့ အာမခံချက်တွေက

• EAAC ဂိမ်းဖွင့်မှသာအလုပ်လုပ်ပါမည်
• ဂိမ်းရဲ့ stability နဲ့ စွမ်းဆောင်ရည်ကိုကျဆင်းစေမှာမဟုတ်ပါ
• ဂိမ်းတိုင်းပါဝင်မည်မဟုတ်ပဲ competitive multiplayer ဂိမ်းများမှာသာပါဝင်မည်
• EAAC ဂိမ်းများစွာသွင်းထားပါက နောက်ဆုံးကျန်သည့်EAAC ဂိမ်းကို uninstall လုပ်ချိန်တွင်သာ EAAC သည် uninstall ဖြစ်သွားမည်
• ချို့ယွင်းချက်နှင့်အားနည်းချက်များအတွက် EA နှင့်လွတ်လပ်တဲ့ ပြင်ပက လုံခြုံရေးနဲ့ ကိုယ်ရေးကိုယ်တာဆိုင်ရာ အကြံပေးများက အဆက်မပြတ်စမ်းသပ်နေမှာဖြစ်ပါတယ်

EA ဟာ Kernel အဆင့် anti-cheat ကိုစတင်သုံးစွဲတဲ့ပထမဆုံး ဂိမ်းကုမ္ပဏီမဟုတ်ပါဘူး။ မနှစ်က Activision ဟာ သူတို့ရဲ့ နာမည်ကျော် အွန်လိုင်း multiplayer ဂိမ်းဖြစ်တဲ့ Call of Duty အတွက် စိတ်ကြိုက်ဖန်တီးထားတဲ့ Ricochet anti-cheat စနစ်ကိုမိတ်ဆက်ပေးခဲ့ပါတယ်။

Source: Tom's Hardware

#EnThueTech
#News
#Software