Subscribe Us

header ads

Google ၏ Cloud Gaming Service ဖြစ်သည့် Stadia ကိုပိတ်သိမ်းမည်

Ae Mon Min Han September 30, 2022

Google ဟာ သူတို့ရဲ့ streaming service တစ်ဖြစ်တဲ့ Stadia ကိုပိတ်သိမ်းတော့မှာဖြစ်တယ်လို့ သူတို့ရဲ့ blog မှာဆိုထားပါတယ်။ အဲဒီအတွက်ဝယ်ယူထားတဲ့ software နဲ့ hardware တွေအားလုံးကို ငွေပြန်အမ်းသွားမှာဖြစ်ပြီး ပလက်ဖောင်းပေါ်မှာ ဂိမ်းတွေဝယ်ယူထားသူတွေအနေနဲ့ ၂၀၂၃ခုနှစ် ဇန်နဝါရီလ ၂၃ရက်နေ့အထိသာ ဝင်ရောက်ကစားနိုင်တော့မယ်လို့ဆိုပါတယ်။ Google အနေနဲ့ ၂၀၂၃ခုနှစ်၊ ဇန်နဝါရီလအလယ်လောက်မှာ ငွေအားလုံးပြန်အမ်းပြီးဖို့ ရည်မှန်းထားကြောင်းဆိုပါတယ်။

Stadia ကိုခိုင်မာတဲ့ နည်းပညာပေါ်အခြေခံပြီးဝန်ဆောင်မှုပေးခဲ့ပေမယ့် သုံးစွဲသူတွေကိုဆွဲဆောင်မှုမလုပ်နိင်ခဲ့တာကြောင့် ပိတ်သိမ်းဖို့ခက်ခက်ခဲခဲဆုံးဖြတ်လိုက်ရတာလို့ဆိုပါတယ်။ Stadia ရဲ့ဝန်ထမ်းတွေအများအပြားဟာ Google ရဲ့အခြားအစိတ်အပိုင်းတွေမှာပြောင်းလဲတာဝန်ထမ်းဆောင်မှာဖြစ်တယ်လို့ဆိုထားပါတယ်။

Stadia ဟာ သီးခြားဖန်တီးပေးထားတဲ့ AMD GPU တွေနဲ့တည်ဆောက်ထားတာဖြစ်ပြီး ၂၀၁၉ခုနှစ်မှာ စတင်ဖြန့်ချီခဲ့ပေမယ့် ပြင်းထန်တဲ့သုံးသပ်ချက်တွေကိုသာရရှိခဲ့ပါတယ်။ Stadia ရဲ့ နည်းပညာတွေကို Google ရဲ့ အခြားလုပ်ငန်းတွေဖြစ်တဲ့ YouTube၊ Google Playနဲ့ Augmented Reality (AR) တွေမှာသုံးလာဖွယ်ရှိတယ်လို့ဆိုထားပါတယ်။

killedbygoogle.com website အဆိုအရ ဇန်နဝါရီလမှာ ပိတ်သိမ်းမယ့်Stadia ဟာ အခြားပိတ်သိမ်းမယ့်ပရောဂျက်တစ်ခုခုမရှိခဲ့ရင် ကုမ္ပဏီရဲ့ ၂၇၄ခုမြောက်ပိတ်သိမ်းတဲ့ပရောဂျက်ဖြစ်လာမှာပါ။

Source: Google Blog and Tom's Hardware

#EnThueTech
#News
Tags:
Ae Mon Min Han

Posted by: Ae Mon Min Han

I currently work in the Civil Aviation Engineering field and have maintained a long-standing interest in computer hardware, gadgets, and technology since the era of the Pentium 4. My aim is to provide coverage of the latest news and rumors related to major companies such as Intel, AMD, and Nvidia. Additionally, I report on significant hardware launches, conducting my own benchmarks in the latest games and content creation software. When given the opportunity, I also conduct reviews. I ensure that all my reviews are conducted honestly and tested using the best equipment at my disposal.

Post a Comment

0 Comments