ဗီယက်နမ်‌နိုင်ငံတွင် ပိုလျှံနေသည့် GPU များကို လမ်းဘေးတွင်ရောင်းချနေ

Image credit: Lê Thành on Facebook

ဗီယက်နမ်နိုင်ငံက King of VGA လို့ ကိုယ့်ကိုကိုယ်ခံယူထားတဲ့ Lê Thành ဟာ Facebook မှာပျော်ရွှင်စရာတွေဖန်တီးနေပါတယ်။ သူတင်ထားတဲ့ ဓာတ်ပုံတွေဗီဒီယိုတွေအရ သူဟာ GPU တွေကိုလမ်းဘေးဈေးဆိုင်ပုံစံနဲ့ရောင်းချနေပြီး GPU တွေကိုကီလိုနဲ့တွက်ပြီးရောင်းချပေးနေတာပါ။

Image: Lê Thành on Facebook

Lê Thành ဟာ တစ်ပတ်ရစ် GPU အထပ်လိုက်နဲ့ ဗီယက်နမ် street food စတိုင် လမ်းဘေးမှာရောင်းချနေတဲ့ပုံတွေကို ဟာသဆန်ဆန်တင်ထားခဲ့ပါတယ်။ ဗီဒီယိုတစ်ခုမှာ ဝယ်ယူသူကိုစောင့်မျှော်ရင်း ယင်မနားအောင်ယပ်ခပ်ပေးနေတာကိုလည်းတွေ့ရပါတယ်။ ခဏအကြာမှာ ဝယ်ယူသူတစ်ဦးဟာဆိုင်ကယ်တစ်စီးနဲ့ရောက်လာကာ GPU အထပ်လိုက်ကို ကီလိုနဲ့ချိန်ပြီး ပါဆယ်ထုတ်တဲ့အိတ်အနီနဲ့ထည့်ယူသွားတာကိုတင်ထားတာပါ။ ဒါ့အပြင် Lê Thành ရဲ့ဆိုင်မှာ နာမည်ကြီးတံဆိပ်တွေပါဝင်တဲ့ GPU တွေအထပ်လိုက်ရှိနေပါတယ်။

Image: Lê Thành on Facebook

Ethereum ရဲ့ GPU mining ခေတ်ကုန်ဆုံးချိန်မှာ ဈေးကွက်ထဲကို တစ်ပတ်ရစ် GPU တွေအများအပြားလိမ့်ဝင်လာခဲ့သလို GPU အသစ်ဈေးနှုန်းတွေကလည်းကျဆင်းလာခဲ့ပါတယ်။ ဒါတင်မက GPU mining ခေတ်ကုန်ဆုံးခြင်းအပြင် crypto တန်ဖိုးသိသိသာသာကျဆင်းလာကာစျေးကွက်ပျက်မှု၊ ကမ္ဘာ့နိုင်ငံတွေမှာ စီးပွားရေးပျက်ကပ်ဖြစ်ပေါ်လာဖွယ်ရှိနေသလို ကမ္ဘာ့နိုင်ငံတွေရဲ့ ကိုဗစ်ကာလကန့်သတ်ချက်တွေဖြေလျော့လာမှု၊ စွမ်းအင်မလုံလောက်တဲ့ပြဿနာတွေကလည်း အီလက်ထရောနစ်ပစ္စည်းတွေရဲ့ရောင်းအားကိုထိခိုက်စေခဲ့ပါတယ်။

အကြီးဆုံး GPU ရောင်းချသူ Nvidia အနေနဲ့လည်း ၃လပတ်ကုန်တိုင်း ရောင်းအားဆက်တိုက်ကျဆင်းလာဖွယ်ရှိတယ်လို့ခန့်မှန်းရပါတယ်။ ဘယ်လိုပဲဖြစ်ဖြစ် အသစ်ထွက် GPU တွေကြောင့်ရောင်းအားတက်လာနိုင်သေးတယ်ဆိုပေမယ့် တရုတ်နိုင်ငံအပေါ်ချမှတ်လိုက်တဲ့ ဆန်ရှင်အသစ်တွေကြောင့် ဘယ်လိုထိခိုက်လာနိုင်မလဲဆိုတာကို ဆက်လက်စောင့်ကြည့်ရမှာပါ။

စာဖတ်သူတွေအနေနဲ့ အနီးအပါးမှာ ဈေးချိုတဲ့တစ်ပတ်ရစ် GPU ရှိနေတာကိုသတိထားကောင်းထားမိနိုင်ပါတယ်။ upgrade လုပ်ရတာလွယ်တယ်ဆိုပေမယ့် တစ်ပတ်ရစ် GPU တွေဝယ်ယူတဲ့အခါသတိတော့ထားပြီးဝယ်ယူသင့်ပါတယ်။

Source: Tom's Hardware

#EnThueTech
#News
#Regional #GPU

ဗီယက်နမ်နိုင်ငံတွင် crypto miner များမှ GPU refurbished လုပ်ရာတွင် ဖိအားမြင့်ရေပိုက်ဖြင့် ဆေးကြော (enthuetech.blogspot.com)

PC ရောင်းအားကျဆင်းလာမှုကြောင့် Intel ၏ ဝန်ထမ်းအများအပြားအလုပ်ရပ်နားခံရဖွယ်ရှိနေ (enthuetech.blogspot.com)

Crypto ‌ဈေးကျဆင်းမှုကြောင့် တစ်ပတ်ရစ် graphics card များ ၅၀%အထိဈေးနှုန်းကျဆင်းလာ (enthuetech.blogspot.com)

TSMC မှ တရုတ်နိုင်ငံအခြေစိုက် GPU ဖန်တီးသူ Biren အတွက် ချစ်ပ်များ ဖန်တီးပေးနိုင်တော့မည်မဟုတ် (enthuetech.blogspot.com)