AI နယ်ပယ်ကို လှုပ်ခတ်လာတဲ့ DeepSeek

Image: DeepSeek

တရုတ်အခြေစိုက် AI ကုမ္ပဏီဖြစ်တဲ့ DeepSeek က စျေးနှုန်းချိုသာပြီး စွမ်းဆောင်ရည်မြင့်မားတဲ့ AI မော်ဒယ်တစ်ခုကို ထုတ်လုပ်လိုက်တာကြောင့် အမေရိကန်နည်းပညာလုပ်ငန်းတွေမှာ လှုပ်ခတ်မှုတွေဖြစ်ပေါ်နေပါတယ်။

နည်းပညာရင်းနှီးမြှုပ်နှံသူ Marc Andreessen က ဒါကို "AI ရဲ့ Sputnik moment" လို့ခေါ်ဆိုလိုက်ပြီး အမေရိကန်နည်းပညာစတော့တွေကို ဒီနေ့မနက်ပိုင်းမှာ ထိုးကျစေခဲ့ပါတယ်။ အထူးသဖြင့် Nvidia ဟာ ၁၁% အထိ ထိုးကျသွားခဲ့ပါတယ်။

Image: DeepSeek

DeepSeek ရဲ့အက်ပ်ဟာ Apple App Store မှာ ChatGPT ကို ကျော်တက်ပြီး အများဆုံးဒေါင်းလုဒ်ရတဲ့ အခမဲ့အက်ပ်ဖြစ်လာခဲ့ပါတယ်။ ဒါပေမယ့် မှတ်ပုံတင်မှုတွေအများကြီးနဲ့ "ကြီးမားတဲ့အန္တရာယ်ရှိတဲ့တိုက်ခိုက်မှုတွေ" (ဖြစ်နိုင်တာက DDoS တိုက်ခိုက်မှု) ကြောင့် DeepSeek က +86 တရုတ်ဖုန်းနံပါတ်တွေနဲ့ ဝင်ရောက်မှုကို "ယာယီ" ကန့်သတ်ထားပါတယ်။ ဒါပေမယ့် သင့်အနေနဲ့ Google အကောင့်နဲ့တော့ ဝင်လို့ရနိုင်ပါသေးတယ်။

ဒီအရာမဖြစ်ခင်ကတည်းက ကျွန်တော်တို့ ဒီအက်ပ်ကို ဒေါင်းလုဒ်လုပ်ထားခဲ့ပြီး သူ့ရဲ့ အသွင်အပြင်ဟာ ChatGPT နဲ့ အတူတူပဲဆိုတာ တွေ့ရပါတယ်။ Deepseek ရဲ့အသိပညာက ၂၀၂၃ အောက်တိုဘာထိသာရှိတယ်လို့သိရပါတယ်။ ဒါပေမယ့် အဓိကပြောင်းလဲမှုကတော့ chatbot အတွေ့အကြုံမဟုတ်ဘဲ၊ နောက်ကွယ်ကမောင်းနှင်နေတဲ့ open source မော်ဒယ်သာဖြစ်ပါတယ်။ ဒီမော်ဒယ်ဟာ စွမ်းဆောင်ရည်မြင့်မားသလောက် စျေးနှုန်းအရမ်းချိုသာနေပါတယ်။ Open source ဖြစ်တာကြောင့် သင့်တော်တဲ့ကျွမ်းကျင်မှုရှိသူတိုင်းက ဒီမော်ဒယ်ကိုဒေါင်းလုဒ်ရယူပြီး အသုံးချနိုင်မှာဖြစ်ပါတယ်။

R1 လို့အမည်ပေးထားတဲ့ ဒီမော်ဒယ်ဟာ ဇန်နဝါရီ ၂၀ ရက်နေ့မှာ ထွက်ရှိလာခဲ့ပါတယ်။ DeepSeek က သူတို့ရဲ့ပထမဆုံးမော်ဒယ်ကို ၂၀၂၄ ဆောင်းဦးမှာ ထုတ်လုပ်ခဲ့ပြီး၊ ဒီ R1 မော်ဒယ်ရဲ့စွမ်းဆောင်ရည်ဟာ "OpenAI-o1 နဲ့တန်းတူ" ဖြစ်တယ်လို့ ဆိုပါတယ်။ OpenAI က ၂၀၂၄ ခုနှစ် စက်တင်ဘာလမှာ စတင်မိတ်ဆက်ခဲ့တဲ့ အဲဒီမော်ဒယ်မှာ အတွေးအခေါ်တစ်ခုရဲ့ အဆက်ကို ဆက်ပြီး စဉ်းစားနိုင်တဲ့ စွမ်းရည် ပါဝင်ပါတယ်။ ကုမ္ပဏီက အဲဒီနည်းလမ်းကို AI မော်ဒယ်တွေကို လူတွေရဲ့ ဉာဏ်ရည်နဲ့ ပိုနီးကပ်စေမယ့် "နည်းလမ်းသစ်" လို့ ဆိုပါတယ်။

Image: DeepSeek

DeepSeek R1 နဲ့ OpenAI ရဲ့ GPT-o1 တို့ရဲ့စျေးနှုန်းတွေကို ကြည့်ရင် R1 က စျေးနှုန်းအရမ်းချိုသာတာကို တွေ့ရပါတယ်။ DeepSeek က output token ၁ သန်းကို ၂.၁၉ ဒေါ်လာသာကျသင့်ပေမယ့် GPT-o1 ကတော့ ဒေါ်လာ ၆၀.၀၀ ကျမှာဖြစ်ပါတယ်။ OpenAI ရဲ့ GPT-o1 ရဲ့ mini version ဆိုရင်တောင် ၁၂ ဒေါ်လာ ပေးရမှာပါ။

DeepSeek လိုပဲ Meta က သူတို့ရဲ့ Llama မော်ဒယ်တွေကို open source အဖြစ်ထားရှိပြီး၊ လောလောဆယ်မှာ အခမဲ့ဖြစ်ပါတယ်။ Meta ရဲ့ AI သိပ္ပံပညာရှင် Yann LeCun က Threads မှာ "DeepSeek ရဲ့စွမ်းဆောင်ရည်ကိုကြည့်ပြီး 'တရုတ်က အမေရိကန်ကို AI မှာကျော်တက်သွားပြီ' လို့ထင်နေရင် မှားနေပါတယ်။ တကယ်တော့ open source မော်ဒယ်တွေက ပိုင်ဆိုင်မှု သီးသန့် မော်ဒယ်တွေကို ကျော်တက်နေတာပါ" လို့ ပြောကြားခဲ့ပါတယ်။

The Information ရဲ့အဆိုအရ Meta က DeepSeek ရဲ့နည်းပညာကို လေ့လာဖို့ war room ၄ ခုထားရှိထားပြီး၊ ဒီကုမ္ပဏီက လေ့ကျင့်မှုစျေးနှုန်းကို ဘယ်လိုလျှော့ချခဲ့သလဲ၊ ဘယ်ဒေတာတွေကို အသုံးပြုခဲ့သလဲဆိုတာကို အာရုံစိုက်လေ့လာနေပါတယ်။

အငြင်းပွားဖွယ် ချစ်ပ်တွေနဲ့ ဒေတာစုဆောင်းမှု

R1 ကို မောင်းနှင်ပေးတဲ့ ချစ်ပ်တွေနဲ့ပတ်သက်ပြီး အငြင်းပွားမှုတွေရှိနေပါတယ်။  အသက် ၄၀ အရွယ် စီးပွားရေးသမား DeepSeek တည်ထောင်သူ Liang Wenfeng ဟာ ၂၀၂၂ ခုနှစ် စက်တင်ဘာလမှာ တရုတ်နိုင်ငံသို့ တင်ပို့မှုကို ပိတ်ပင်ခံရခြင်း မပြုလုပ်မီ Nvidia A100 ချစ်ပ်တွေကို စုဆောင်းထားတယ်လို့ သတင်းရရှိပါတယ်။ DeepSeek က R1 ဟာ စွမ်းရည်နိမ့် Nvidia H800 ချစ်ပ်တွေပေါ်မှာ လုပ်ဆောင်တယ်လို့ ဆိုပေမဲ့ အထူးသဖြင့် A100 ချစ်ပ်တွေကို အမေရိကန်ရဲ့ ပိတ်ဆို့အရေးယူမှုတွေကို ချိုးဖောက်ပြီး တရုတ်နိုင်ငံထဲကို တိတ်တဆိတ် သယ်ယူပို့ဆောင်နေဆဲဖြစ်တာကြောင့် တကယ့်အဖြစ်မှန်ကို သိရှိဖို့ ခက်ခဲနေပါတယ်။

Source: PCMag